शाहरुख खान अडचणीत? ‘मन्नत’बाहेरील पोलीस सुरक्षेत वाढ, समोर आलं मोठं कारण
By ऑनलाइन लोकमत | Published: August 26, 2023 07:15 PM2023-08-26T19:15:12+5:302023-08-26T19:15:51+5:30
किंग खानच्या मन्नतबाहेर पोलिसांचा फौजफाटा, नेमकं कारण काय?
शाहरुख खान अडचणीत? ‘मन्नत’बाहेरील पोलीस सुरक्षेत वाढ, समोर आलं मोठं कारण
Next बॉलिवूड किंग शाहरुख खानचा मन्नत बंगला अनेक कारणांमुळे चर्चेत असतो. अनेक चाहत्यांना किंग खानच्या मुंबईतील या बंगल्याबाहेर फोटो काढण्याचा मोह आवरता येत नाही. पण, सध्या शाहरुखच्या या मन्नतबाहेरील पोलीस बंदोबस्तात वाढ करण्यात आली आहे. याचं मोठं कारण समोर आलं आहे. शाहरुख त्याच्या जाहिरातींमुळे अडचणीत आला आहे. यामुळे काही संघटनांनी त्याच्या घराबाहेर आंदोलन करण्याचा इशार दिला आहे. यामुळेच शाहरुखच्या मन्नत बाहेर पोलिसांचा मोठा बंदोबस्त दिसत आहे.
‘विरल भय्यानी’ या पापाराझी पेजवरुन शाहरुखच्या मन्नतबाहेरील व्हिडिओ शेअर करण्यात आला आहे. या व्हिडिओत त्याच्या बंगल्याबाहेर पोलिसांचा बंदोबस्त असल्याचं पाहायला मिळत आहे. अनटच इंडिया फाऊंडेशनकडून शाहरुखच्या बंगल्याबाहेर आज आंदोलन करण्याचा प्रयत्न करण्यात आला. जाहिरातींमधून प्रसिद्ध अभिनेता आणि अभिनेत्री दिशाभूल करण्याचं काम करत असल्याचं या फाऊंडेशनच्या अध्यक्षांचं म्हणणं आहे. आज(२६ ऑगस्ट) दुपारी १ वाजण्याच्या सुमारास त्यांनी मन्नतबाहेर आंदोलन करण्याचा प्रयत्न केला. शाहरुखच्या बंगल्याबाहेर आंदोलन करणाऱ्या आंदोलकांना पोलिसांनी ताब्यात घेतलं आहे.
आलियाच्या ‘व्हॉट झुमका’ गाण्यावर मराठी अभिनेत्रीचा नऊवारीत ठुमका, व्हिडिओ पाहिलात का?
दरम्यान, शाहरुख त्याच्या आगामी ‘जवान’ चित्रपटामुळे चर्चेत आहे. या चित्रपटातील गाणीही प्रचंड हिट होत आहेत. ७ सप्टेंबरला हा चित्रपट सर्वत्र प्रदर्शित होणार आहे. या चित्रपटात नयनतारा, विजय सेतुपथी मुख्य भूमिकेत आहेत. अटली कुमारने या चित्रपटाचे दिग्दर्शन केलं आहे. परदेशात शाहरुखच्या या चित्रपटाचं एडव्हान्स बुकिंग सुरू करण्यात आलं आहे. ‘पठाण’प्रमाणेच शाहरुखचा हा चित्रपटही रेकॉर्डब्रेक कामगिरी करण्याचा अंदाज वर्तविला गेला आहे.