ऐश्वर्या रायचा ‘पोन्नियिन सेल्वन: २’ बॉक्स ऑफिसवर सुसाट, केवळ पाच दिवसात केला इतक्या कोटींचा बिझनेस

अवघ्या चार दिवसांतच या चित्रपटाने बॉक्स ऑफिसवर बरेच रेकॉर्ड मोडीत काढले आहेत.

ऐश्वर्या राय बच्चन (Aishwarya Rai Bachchan) आणि चियान विक्रम(Chiyan Vikram)च्या पोन्नियिन सेल्वन (Ponniyan Selvan) म्हणजेच पीएसच्या दुसऱ्या भागाची आतुरतेने वाट पाहत होते. त्यामुळे सलमान खान स्टारर किसी का भाई किसी की जानकडे प्रेक्षकांची गर्दी ओसरली आहे. ऐश्वर्या आणि विक्रमच्या पोन्नियिन सेल्वन २ने पहिल्याच दिवशी बंपर कमाई केली आहे. अवघ्या चार दिवसांतच या चित्रपटाने बॉक्स ऑफिसवर बरेच रेकॉर्ड मोडीत काढले आहेत. जगभरात या चित्रपटाने जबरदस्त कलेक्शन केले आहे.

मणिरत्नम यांचा ड्रीम प्रोजेक्ट चित्रपट म्हणून ओळखल्या जाणार्‍या, 'पोन्नियिन सेल्वन 2' ला समीक्षक आणि प्रेक्षक या दोघांकडून उत्तम प्रतिसाद मिळाला. दुसऱ्या भागातील कथानकातील भावनिक बाजू प्रेक्षकांना जास्त भावली. रिलीज झाल्यापासून या चित्रपटाने जगभर धुमाकूळ घातला आहे आणि वर्ल्ड वाइड वोक्स ऑफिसवर 200 कोटींचा जादुई टप्पाही पार केला आहे.

बॉक्स ऑफिस ट्रॅकर सचनिकच्या मते 'पोन्नियिन सेल्वन 2' अवघ्या ४ दिवसांतच बॉक्स ऑफिसवर २०० कोटींचा गल्ला जमवला आहे. रिलीजच्या पाचव्या दिवशी मंगळवारी चित्रपटाने ११ कोटींची कमाई केली आहे. पोन्नियिन सेल्वन २’चे बॉक्स ऑफिस कलेक्शन जवळपास २१० कोटी आहे. त्यापैकी १२० कोटींची कमाई या चित्रपटाने केवळ भारतात केली आहे तर परदेशातील बिझनेस ९० कोटींच्या आसपास आहे.

पोन्नियन सेल्वनच्या पहिल्या भागाबद्दल बोलायचे तर, या चित्रपटाने जगभरात ५०० कोटींची कमाई केली आहे. त्याचबरोबर दुसऱ्या भागाकडूनही चाहत्यांना अपेक्षा आहेत. कलाकारांबद्दल सांगायचे तर, PS-2 मध्ये विक्रम, जयम रवी, कार्ती, ऐश्वर्या राय, त्रिशा, ऐश्वर्या लक्ष्मी, शोभिता धुलिपाला दिसत आहेत. हा चित्रपट तामिळ, हिंदी, तेलुगु, कन्नड आणि मल्याळममध्ये प्रदर्शित झाला आहे, ज्यामध्ये तेलुगू भाषेत सर्वाधिक कमाई होत आहे.