ऐश्वर्या स्टारर 'पोन्नियिन सेल्वन 2'ची बॉक्स ऑफिसवर बंपर कमाई, सहाव्या दिवशी कमावले इतके कोटी

'पोन्नियिन सेल्वन 2' ने रिलीजच्या सहाव्या दिवशी म्हणजे बुधवारी किती कमाई केली ते जाणून घ्या.

PS 2 Box Office Collection: चित्रपट निर्माते मणिरत्नम यांच्या 'पोन्नियिन सेल्वन 2' (PS2) ला पहिल्या दिवसापासूनच प्रेक्षकांकडून खूप चांगला प्रतिसाद मिळत आहे. या ऐतिहासिक चित्रपटाला पहिल्या भागापेक्षा जास्त यश मिळत आहे.  ऐश्वर्या आणि विक्रमच्या 'पोन्नियिन सेल्वन २' ने पहिल्याच दिवशी बंपर कमाई केली आहे. 'पोन्नियिन सेल्वन 2' ने रिलीजच्या सहाव्या दिवशी म्हणजे बुधवारी किती कमाई केली ते जाणून घेऊया.

अवघ्या चार दिवसांतच या चित्रपटाने बॉक्स ऑफिसवर बरेच रेकॉर्ड मोडीत काढले आहेत. जगभरात या चित्रपटाने जबरदस्त कलेक्शन केले आहे.'पोन्नियिन सेल्वन 2' पहिल्या चार दिवसांत या चित्रपटाला खूप चांगला प्रतिसाद मिळाला आणि 'पोन्नियिन सेल्वन २' ने तिकीट खिडकीवरही उत्तम कलेक्शन केले.

बॉक्स ऑफिस ट्रॅकर सचनिकच्या मते 'पोन्नियिन सेल्वन 2' अवघ्या ४ दिवसांतच बॉक्स ऑफिसवर २०० कोटींचा गल्ला जमवला आहे. रिलीजच्या पाचव्या दिवशी मंगळवारी चित्रपटाने ११ कोटींची कमाई केली आहे. तर सहाव्या दिवशी बुधवारी चित्रपटाने ८ कोटींचा बिझनेस केला. पोन्नियिन सेल्वन २’चे बॉक्स ऑफिस कलेक्शन जवळपास २१० कोटी आहे. त्यापैकी १२२.२५ कोटींची कमाई या चित्रपटाने केवळ भारतात केली आहे.

'पोन्नियिन सेल्वन 2'मध्ये विक्रम, जयम रवी, कार्ती, ऐश्वर्या राय, त्रिशा, ऐश्वर्या लक्ष्मी, शोभिता धुलिपाला दिसत आहेत. हा चित्रपट तामिळ, हिंदी, तेलुगु, कन्नड आणि मल्याळममध्ये प्रदर्शित झाला आहे, ज्यामध्ये तेलुगू भाषेत सर्वाधिक कमाई होत आहे.