​पुन्हा एकदा प्रभास आणि अनुष्का शेट्टीची ‘लव्हस्टोरी’!

‘बाहुबली2’नंतर प्रभास आणि अनुष्का शेट्टी या दोघांना पुन्हा एकदा पडद्यावर एकत्र पाहण्यास चाहते आतूर आहे. अशाच आतूर चाहत्यांसाठी एक ...

‘�

��ाहुबली2’नंतर प्रभास आणि अनुष्का शेट्टी या दोघांना पुन्हा एकदा पडद्यावर एकत्र पाहण्यास चाहते आतूर आहे. अशाच आतूर चाहत्यांसाठी एक खूशखबरी आहे. होय, ‘बाहुबली’ प्रभास आणि ‘देवसेना’ अनुष्का शेट्टी या दोघांची जोडी पुन्हा एकदा एकत्र दिसणार आहे. केवळ इतकेच नाही तर, हे दोघेही पुन्हा एकदा रोमॅन्टिक कपल म्हणून पडद्यावर एकत्र येणार आहेत. प्रभास लवकरच दिग्दर्शक राधा कृष्ण कुमार यांच्या एका नव्या प्रोजेक्टवर काम सुरु करणार आहे, असल्याची खबर आहे. हा प्रोजेक्ट एक लव्हस्टोरी आहे आणि यात प्रभास लीड रोलमध्ये दिसणार आहे. खरे तर ‘साहो’ पूर्ण झाल्याशिवाय दुसरा चित्रपट हातात घ्यायचा नाही, असे प्रभासने आधीच ठरवले होते. ‘साहो’ एक अ‍ॅक्शन ड्रामा आहे. त्यामुळे ‘बाहुबली’ प्रमाणेच या चित्रपटासाठी सुद्धा  प्रभासने आपल्या शरीरावर बरीच मेहनत घेतली आहे. या चित्रपटातील अ‍ॅक्शन दृश्ये स्वत: करण्यासोबतच त्यासाठी काही खास टेक्निक स्वत: शिकण्यापर्यंतचा निर्णय प्रभासचा होता. सोबतच ‘साहो’सोबत दुसºया कुठल्याही दुस-या चित्रपटाचे शूट करायचे नाही, असेही त्याने ठरवले होते. साहजिकच ‘साहो’ हाता केल्यावेगळा केल्यानंतरच राधा कृष्ण कुमार यांचा प्रोजेक्ट हाती घेण्याचा प्रभासचा मानस होता. पण ‘साहो’ अपेक्षेनुसार लांबला आणि त्यामुळे राधा कृष्ण कुमार यांचाही खोळंबा होऊ लागला. पण प्रभासला राधा कृष्ण यांना असे ताटकळत ठेवायचे नव्हते. त्यामुळे येत्या दिवसात ‘साहो’ आणि राधाकृष्ण यांच्या चित्रपटाचे शूटींग सोबत सोबत करण्याचा निर्णय प्रभासने  घेतल्याचे कळतेय. या चित्रपटात प्रभासच्या अपोझिट अनुष्का शेट्टीची वर्णी लागल्याची खबर आहे. पुढच्या महिन्यात किंवा मार्चच्या पहिल्या आठवड्यात या चित्रपटाचे शूटींग सुरु होणे अपेक्षित आहे.  प्रभास व अनुष्का यांचा आॅनस्क्रीन रोमान्स पाहण्यासाठी तुम्ही उत्सूक असालच. तुमची ही उत्सुकता आम्हाला जरूर कळवा.
अनुष्का सध्या ‘भागमती’ या चित्रपटाच्या प्रमोशनमध्ये व्यस्त आहे. येत्या २६ जानेवारीला अनुष्काचा हा चित्रपट रिलीज होतो आहे. 

ALSO READ : होय, ‘बाहुबली’ प्रभास आणि ‘देवसेना’ अनुष्का शेट्टी या दोघांची जोडी पुन्हा एकदा एकत्र दिसणार आहे.