प्रार्थना करणारा ‘क्युट’ अबराम तुम्ही पाहायलाच हवा!

क�

��ंगखान शाहरूख खान याच्यापेक्षा त्याचा लाडका मुलगा अबराम सध्या सगळ्यांच्या गळ्यातला ताईत झाला आहे. होय, आता शाहरूखपेक्षा अबरामला पाहण्यासाठी लोक आतूर असतात. ‘रईस’च्या यशानंतर अबराम व शाहरूख अलीकडे अमृतसरच्या सुवर्ण मंदिरात दिसले. यावेळीही सगळ्यांच्या नजरा खिळल्या त्या गोंडस अबरामवर. यावेळी शाहरुख आणि अबराम दोघेही सुवर्ण मंदिरात मोठ्या भक्तिभावाने नतमस्तक होताना दिसले. अमृसरच्या सुवर्णमंदिर परिसरात शाहरूख व अबराम दाखल होताच, त्या दोघा बापलेकांची एक झलक पाहण्यासाठी एकच गर्दी उसळली. या बापलेकाचे फोटो आणि व्हिडिओ शाहरूखच्या एका फॅन क्लबने शेअर केले आहेत. व्हिडिओत शाहरूख अबरामला प्रार्थना कशी करायची, हे शिकवताना दिसतोय. शाहरूखच्या सांगण्यानुसार अबराम दोन्ही हात जोडून  प्रार्थना करतो आणि मग शाहरूख त्याला प्रसाद भरवतो, असा हा व्हिडिओ आहे. 







यादरम्यान मीडियाशी बोलताना शाहरूखने पंजाबी चित्रपट करण्याची इच्छा व्यक्त केली. पंजाबी संस्कृतीचा मी खूप मोठा चाहता आहे. पंजाबवर माझे प्रेम आहे. मी सध्या पंजाबी शिकतो आहे. माझ्या अनेक चित्रपटात पंजाबी संस्कृती दाखवली आहे. त्यामुळे भविष्यात मला पंजाबी चित्रपट चालून आलाच तर मी तो नक्की करेल, असे शाहरूख म्हणाला.
नुकताच अबराम व शाहरूखचा एक व्हिडिओ सोशल मीडियावर व्हायरल झाला होता. या व्हिडिओला हजारो लाईक्स मिळालेत. यानंतर अबराम जणू सोशल मीडियाचा स्टार झाला. 



 हाताच्या अंगठ्याला काही तर दुखापतीचे कारण घेऊन अबराम वडिलांकडे येतो आणि शाहरुखसुद्धा  मुलाची आपुलकीने काळजी करत काय लागले विचारतो. शिवाय त्याच्या दुखापतीवर इलाज करण्यासाठी गंमत म्हणून अबरामला इंजेक्शन देण्याचा अभिनय करतो, असे या व्हिडिओत दिसते.  

also read : WATCH VIDEO: ऐका शाहरुख खानचा मुलगा अबरामचा गोड आवाज!