Prithviraj Trailer : धर्म के लिए जिया हूं, धर्म के लिए मरूंगा..., पाहा अक्षय कुमारच्या ‘पृथ्वीराज’चा थरारक ट्रेलर

Prithviraj Trailer Out : येत्या 3 जून रोजी ‘पृथ्वीराज’ हा चित्रपट प्रेक्षकांच्या भेटीस येतोय. तूर्तास चित्रपटाचा ट्रेलर रिलीज झाला आहे. 2 मिनिटं 57 सेकंदाच्या या ट्रेलरमध्ये युद्धाचे चित्तथरारक प्रसंग अंगावर काटा आणतात.

Prithviraj Trailer : देशभक्ती, कॉमेडी, सोशल ड्रामा, हॉरर ड्रामा अशा अनेक धाटणीचे सिनेमे केल्यानंतर अक्षय कुमार (Akshay Kumar) आता एक ऐतिहासिक चित्रपट तुमच्याआमच्यासाठी घेऊन येतोय. नाव आहे, पृथ्वीराज (Prithviraj ). या पीरियड ड्रामामध्ये अक्षय कुमार महापराक्रमी योद्धा पृथ्वीराज चौहान यांच्या रूपात दिसणार आहे. दीर्घकाळापासून अक्षयचे चाहते या चित्रपटाची प्रतीक्षा करत आहेत. ही प्रतीक्षा संपली आहे. येत्या 3 जून रोजी हा चित्रपट प्रेक्षकांच्या भेटीस येतोय. तूर्तास चित्रपटाचा थरारक ट्रेलर रिलीज झाला आहे. 2 मिनिटं 57 सेकंदाच्या या ट्रेलरमध्ये युद्धाचे चित्तथरारक प्रसंग अंगावर काटा आणतात.

‘मिस वर्ल्ड’ मानुषी छिल्लर (Manushi Chhillar) हिची झलकही चित्रपटात पाहायला मिळते. एका राजकुमारीने एका राजकुमाराच्या शौर्याच्या कथा ऐकून स्वप्नं पाहिलं होतं. एक दिवस तो राजकुमार घोड्यावर बसून येईल आणि तिला घेऊन जाईल, असं स्वपं्न संयोगिता बघते. पृथ्वीराज चौहान आणि संयोगिताच्या या सुंदर प्रेमकहाणीची सुंदर झलक ट्रेलरमध्ये दिसते.  संयोगिताच्या रूपात मानुषी प्रचंड सुंदर दिसते. सोनू सूद, संजय दत्त यांची झलकही ट्रेलरमध्ये पाहायला मिळते. भव्यदिव्य चित्रपटातील थरारक युद्ध दृश्ये अंगावर रोमांच आणतात. ट्रेलरमधील अक्षयच्या तोंडचे संवाद खिळवून ठेवतात.  

चंद्रप्रकाय द्विवेदी यांनी चित्रपटाचं दिग्दर्शन केलं आहे. 2019 मध्ये या चित्रपटाची घोषणा झाली होती. मात्र कोरोना महामारीमुळे हा चित्रपट रखडला होता. आता हा चित्रपट प्रदर्शनासाठी सज्ज आहे.

‘पृथ्वीराज’ हा या वर्षातील सर्वात मोठ्या बॉलिवूडपटांपैकी एक आहे. आत्तापर्यंतचा अक्षयचा हा एक मोठा बिग बजेट सिनेमा आहे. साहजिकच या चित्रपटाकडून सर्वांनाच मोठ्या अपेक्षा आहेत. ‘पृथ्वीराज’शिवाय रक्षाबंधन, मिशन सिंड्रेला, राम सेतू, सेल्फी अशा अनेक आगामी सिनेमांमध्ये अक्षय दिसणार आहे.