प्रिया वारियरने सनी लिओनीला दिला धोबीपछाड, वाचा नेमके काय आहे प्रकरण!

व्हायरल गर्ल प्रिया वारियरने अभिनेत्री सनी लिओनीला धोबीपछाड देत हा किताब आपल्या नावे केला आहे. केवळ २८ सेंकदांच्या व्हिडीओच्या माध्यमातूनच तिने सनीला मात दिली आहे.

क�

��वळ २८ सेंकदांच्या व्हिडीओमुळे इंटरनेट सेन्सेशन बनलेली प्रिया प्रकाश वारियर हिच्या नावे आणखी एका रेकॉर्डची नोंद झाली आहे. होय, गुगलवरील मोस्ट सर्च सेलिब्रिटीचा किताब प्रियाच्या नावे झाला आहे. विशेष म्हणजे प्रियाने हा किताब आपल्या नावे करताना इंटरनेट क्वीन म्हणून ओळखल्या जाणाºया सनी लिओनीला मात दिली आहे. एएनआय या न्यूज एजन्सीने दिलेल्या माहितीनुसार, गेल्या काही दिवसांमध्ये इंटरनेटवर प्रिया वारियरला सनी लिओनीपेक्षा अधिक सर्च करण्यात आले. वास्तविक याअगोदरही अनेक दिग्गजांनी सनीला याविषयी धोबीपछाड देण्याचा प्रयत्न केला, मात्र त्यात ते यशस्वी होऊ शकले नाही. परंतु १८ वर्षीय प्रियाने केवळ एका व्हिडीओमध्येच सनीला मागे टाकले आहे. 

इन्स्टाग्रामवरही सध्या प्रियाचाच बोलबाला आहे. आतापर्यंत इन्स्टावर तिचे ३० लाखांपेक्षा अधिक फॉलोअर झाले आहेत. त्यामुळे याचा फायदा तिच्या चित्रपटालाही होईल अशीच काहीशी शक्यता वर्तविली जात आहे. सध्या ‘ओरू अदार लव’ या मल्याळम चित्रपटाचे ‘मनिक्य मलाराया पूवी’ हे गाणे तुफान व्हायरल होत आहे. फेसबुक, ट्विटर, इन्स्टाग्रामसह व्हॉट्सअपवर सध्या याच गाण्याचा बोलबाला आहे. हे गाणे शाळेतील रोमान्सवर आधारित आहे. ज्यामध्ये एक मुलगी आणि मुलगी एकमेकांना डोळ्यांनी इशारे करताना दिसत आहेत. 
 

गाण्याच्या एका सीनमध्ये प्रिया प्रकाश वॉरियर आपल्या मित्राला डोळा मारताना दिसते. तिचे हेच एक्सप्रेशन्स सध्या अनेकांना घायाळ करीत आहेत. शिवाय तिच्या या अदांमुळे ती रातोरात देशभरात लोकप्रियही झाली आहे. प्रियाचा जन्म केरळमधील त्रिशूर येथे झाला. सध्या प्रिया विमला कॉलेजमध्ये बी-कॉमच्या पहिल्या वर्षाचे शिक्षण घेत आहे. ‘ओरू अदार लव’ या चित्रपटातही प्र्रिया एका विद्यार्थिनीच्या भूमिकेत आहे. प्रियाचा हा चित्रपट ३ मार्च रोजी प्रदर्शित होणार आहे.