फोर्ब्सच्या टॉप 100 शक्तिशाली महिलांच्या यादीत पटकावले प्रियांका चोप्राने स्थान

द�

��सी गर्ल प्रियांका चोप्राने आपल्या मेहनतीच्या आणि अभिनयाच्या जोरावर आंतरराष्ट्रीय स्तरावर आपली ओळख निर्माण केली आहे. प्रियांकाने फोर्ब्सच्या यादीत जगातील 100 शक्तिशाली महिलांच्या यादीत स्थान पटकावले आहे. फोर्ब्सकडून आज जाहिर करण्यात आलेल्या यादीत प्रियांकाने 97 स्थान पटकावले आहे. यादीत पहिल्या स्थानावर जर्मनीची चांसलर एंजेला मार्केलने पटकावले आहे. फोर्ब्सने या आधी जाहिर केलेल्या जगातील सर्वाधिक कमाई करणा-या टीव्ही अभिनेत्रींची यादीत देखील प्रियांकाचे नाव सामिल होते. या यादीत  ६५ कोटींची कमाई करत प्रियांकाने आठवा क्रमांक मिळवला आहे. या यादीत प्रियांकाने दुस-यांदा स्थान मिळवले आहे. यापूर्वी ‘क्वांटिको’ शो आॅन एअर झाला त्यावर्षी म्हणजे २०१६ मध्ये प्रियांकाने ७१.५ कोटींची कमाई केली होती. २०१७ मध्ये ‘क्वांटिको’च्या दुस-या सीझनमध्येही ती दिसली होती. यापाठोपाठ याशिवाय ड्वेन जॉनसनसोबत ‘बेवॉच’ या हॉलिवूडपटातही ती दिसली होती. सध्या प्रियांका ‘इजन्ट इट रोमॅन्टिक’ व ‘अ किड लाइक जॅक’ या दोन हॉलिवूड चित्रपटांत बिझी आहे. याशिवाय ‘क्वांटिको’च्या तिस-या सीझनचे शूटींगही तिने सुरु केले आहे. या वर्षाच्या सुरुवातील प्रियांकाला  पीपल्स च्वॉइस अॅवॉर्डसुद्धा मिळाले होते.  

तसेच मिळालेल्या माहितीनुसार प्रियांका आमिर खानचा 'सैल्यूट' चित्रपटाचा भाग बनू शकते. यात आमीर खान अंतराळवीर राकेश शर्मा यांची भूमिका साकारणार आहे. याच चित्रपटात प्रियांका त्याच्या पत्नीची भूमिका साकारणार आहे. याचे दिग्दर्शन महेश मथाई करणार आहेत. हा चित्रपट जर प्रियांकाने साईन केला तर पहिल्यांदा दोघांची जोडी मोठ्या पडद्यावर पाहायला मिळणार आहे. डीएनएच्या रिपोर्टनुसार प्रियांका चोप्राला या चित्रपटाचा भाग बनायचे आहे. तिला या चित्रपटाचा विषय आवडला आहे. 
प्रियांका चोप्रा सैल्यूटचे शूटिंग सुरु करण्यापूर्वी कल्पना चावल्या बायोपिकचे शूटिंग आधी सुरु करणार आहे. सध्या या चित्रपटाचे प्री-प्रोडक्शनचे काम सुरु होण्याच्या तयारीत आहे. सूत्रांच्या माहितीनुसार प्रियांकाने या चित्रपटाच्या मेकर्सची भेट घेतली आहे, आणि प्री-प्रोडक्शनच्या कामाला सुरुवात करायला सांगितली आहे.

ALSO RAED :   मॅनहॅटन दहशतवादी हल्ल्यातून थोडक्यात बचावली प्रियांका चोप्रा!