प्रियांका चोप्रा शाहरुख खानबरोबर करतेय कमबॅक?

प�

��रियांका चोप्रा आणि शाहरुख खान यांच्या जोडीने 12 वर्षांपूर्वी डॉन चित्रपट एकत्र दिसले होते. दोघांच्या जोडीला प्रेक्षकांनी पसंती ही दिली होती. मात्र यानंतर दोघे परत एकत्र चित्रपटात दिसलेच नाही. दोघांना एकत्र घेऊन चित्रपट तयार करणार अशी चर्चा अनेक वेळा झाली मात्र प्रत्यक्षात तसे काही झाले नाही. मिळालेल्या माहितीनुसार आता हे सुपरस्टार्स एकाच विषयावर आधारित चित्रपटात काम करताना दिसणार आहेत. झिरो चित्रपटाच्या शूटिंगनंतर शाहरुख राकेश शर्मा यांच्या बायोपिकमध्ये दिसणार आहे. या चित्रपटाची शूटिंग यावर्षीच्या मे महिन्यांपासून सुरू होणार आहे.  

राकेश शर्मा यांनी २ एप्रिल १९८४ साली सोयुझ टी-११ या यानातून अंतराळात जाणारा पहिला भारतीय म्हणून मान मिळविला होता. ३५ व्या राष्टÑीय संरक्षण अकादमीचे विद्यार्थी असणारे राकेश शर्मा हे भारतीय वायूदलात टेस्ट पायलट म्हणून १९७० साली सहभागी झाले. या चित्रपट राकेश शर्मा यांची भूमिका शाहरुख खान साकारणार आहे. तर प्रियांका चोप्रा कल्पना चावलाच्या आयुष्यावर आधारित चित्रपटात काम करताना दिसणार आहे. याच वर्षी या चित्रपटाचे शूटिंग सुरु होणार आहे.   

दोन्ही स्टार भलेही अंतराळवीर यांच्या आयुष्यावर आधारित चित्रपटात काम करत असतील तर दोघांच्या कथावेगळ्या आहेत. शाहरुख आणि प्रियांकाचा चित्रपट बॉक्स ऑफिसवर एकाच वेळी रिलीज होण्याचा शक्यता नाकारता येत नाही. राकेश शर्मा यांच्या बायोपिकमध्ये त्यांच्या पत्नीची भूमिका साकारण्याची ऑफर प्रियांका चोप्राला देण्यात आली होती. मात्र प्रियांकाने ती साकारण्यास नकार दिला.  2016 मध्ये आलेल्या जय गंगाजल चित्रपटात शेवटची दिसली होती. ज्यानंतर ती हॉलिवूडच्या प्रोजेक्टमध्ये बिझी झाली. नुकतेच तिने ​‘क्वांटिको 3' सीझनचे शूटिंग पूर्ण केले आहे. मिळालेल्या माहितीनुसार प्रियांका लवकरच मायदेशात परतणार आहे.