​सलमान खानविषयी या गोष्टी ऐकून तुम्हालाही बसेल धक्का

क�

��ळवीट शिकार प्रकरणात जोधपूर सत्र न्यायालयाने सलमान खानला दोषी ठरवले आहे. अवैधरित्या शस्त्रास्त्रे बाळगणे आणि त्याचा शिकारीसाठी वापर केल्याचा सलमानवर आरोप होता. सलमान खानने हम साथ साथ है या चित्रपटाच्या चित्रीकरणाच्यादरम्यान कांकाणी गावात काळवीटाची शिकार केली असल्याचा त्याच्यावर आरोप होता. त्या केससंबंधी अंतिम सुनावणी करण्यात आली. जोधपूर सत्र न्यायालयाने सलमानला पाच वर्षांची शिक्षा आणि दहा हजार रुपयांचा दंड सुनावला असून त्याची रवानगी सेंट्रल जेलमध्ये करण्यात आली आहे. त्यामुळे सलमानला आजची रात्र तरी जेलमध्येच काढावी लागणार आहे.
सलमान खानचे वकील उद्या सत्र न्यायालयात जामिनासाठी अर्ज करणार आहेत. सलमानला शिक्षा झाल्यामुळे बॉलिवूडमधील मंडळींना चांगलाच धक्का बसला आहे. सलमानवर कित्येक कोटी पैसे लागले असल्यामुळे आता काय होणार असा निर्मात्यांना प्रश्न पडला आहे. सलमानला जामीन मिळणार नाही तोपर्यंत आता सलमानला जेलमध्येच राहावे लागणार आहे. सलमानने आज बॉलिवूडमध्ये आपले एक स्थान निर्माण केले आहे. सलमान त्याच्या व्यवसायिक आयुष्याशिवाय नेहमीच त्याच्या वैयक्तिक जीवनामुळे चर्चेत असतो. सलमान त्याचे वडील लेखक सलीम खान आणि आई सलमा यांच्यासोबत गॅलेक्सी अपार्टमेंटमध्ये राहातो. तो एक सुपरस्टार असला तरी त्याचे घर हे इतर सुपरस्टारच्या तुलनेत खूपच छोटे आहे. तुम्हाला वाचून आश्चर्य वाटेल पण सलमानला एसीमध्ये झोपायला आवडत नाही. त्याचे घर हे समुद्रकिनाऱ्याच्या जवळ असल्याने तेथील हवा ही त्याला अधिक आवडते. तसेच सलमान घरी असताना त्याचा जास्तीत जास्त वेळ हा जिममध्ये घालवतो. तसेच त्याला मित्रांसोबत वेळ घालवण्यापेक्षा आई-वडिलांसोबत, भावंडांसोबत आणि भावंडाच्या मुलांसोबत वेळ घालवायला अधिक आवडतो. अर्पिता आणि अल्विरा या त्याच्या बहिणी तर त्याच्या प्रचंड लाडक्या आहेत. 
सलमानच्या या दोन्ही बहिणी सध्या जोधपूरमध्येच आहेत. सुनावणीच्या आदल्या दिवशी त्या दोघी आल्या होत्या. सलमानसोबतच त्या हॉटेलमध्ये देखील थांबल्या होत्या. सलमान ज्यावेळी कोर्टात आला त्यावेळी त्याच्यासोबत या दोघीही हजर होत्या. सलमानला ज्याक्षणी शिक्षा सुनावली त्यावेळी अलविराच्या भावनांचा बांध तुटला आणि ती ढसढसा रडू लागली. कोर्टरुममध्ये त्याच्या खुर्चीजवळ अर्पिता आणि अलविरा या दोन्ही बहिणी उभ्या होत्या. 

Also Read : काळवीट शिकार प्रकरणात जोधपूर सत्र न्यायालयाने सलमान खानला ठोठावली पाच वर्षांची शिक्षा