‘बिनधास्त’ राधिका आपटेचे ‘बिनधास्त’ फोटोशूट 

गेल्याच आठवड्यात ट्विटरवर ‘ #BoycottRadhikaApt’ हा हॅशटॅग ट्रेंड झाला होता. आता तिनं स्वत:चे काही बोल्ड फोटो इन्स्टाग्रामवर शेअर केले आहेत.

ठळक मुद्देकाही दिवसांपूर्वी या जुन्या न्यूड सीनवरून राधिका ट्रोल झाली होती.  बॉलिवूड चित्रपटांमुळे आपल्या देशामध्ये अश्लीलता पसरत आहे, म्हणत ट्रोलर्सनी राधिकाला लक्ष्य केलं होतं.

गेल्याच आठवड्यात ट्विटरवर ‘ #BoycottRadhikaApt’ हा हॅशटॅग ट्रेंड झाला होता.  होय,अभिनेत्री राधिका आपटेचे (Radhika Apte) काही जुने न्यूड सीन्स सोशल मीडियावर व्हायरल झाले होते आणि यानंतर ट्रोलर्सनी राधिकाला जाम फैलावर घेतलं होतं. पण या ट्रोलर्सला भीक घालेल ती राधिका कोण? आता तिनं स्वत:चे काही बोल्ड फोटो इन्स्टाग्रामवर शेअर केले आहेत. तिच्या ताज्या फोटोशूटमुळे राधिका पुन्हा चर्चेत आली आहे. इन्स्टाग्रामवर कमेंट्सचा जणू पाऊस पडतोय.

राधिकानं दोन फोटो शेअर केले आहेत आणि यात ती बोल्ड अवतारात दिसतेय. राधिकाचे हे फोटो पाहून काहींनी तिचं कौतुक केलं आहे तर नेहमीप्रमाणे काहींनी तिला पुन्हा एकदा ट्रोल केलं आहे.
 राधिका आपटेने 2016 मध्ये लीना यादव दिग्दर्शित ‘पार्च्ड’ या चित्रपटात काम केलं होतं. यामध्ये राधिका अभिनेता आदिल हुसैनसोबत झळकली होती. या चित्रपटात राधिकाने आदिलसोबत न्यूड सीन दिला होता.

काही दिवसांपूर्वी या जुन्या न्यूड सीनवरून राधिका ट्रोल झाली होती.  बॉलिवूड चित्रपटांमुळे आपल्या देशामध्ये अश्लीलता पसरत आहे, म्हणत ट्रोलर्सनी राधिकाला लक्ष्य केलं होतं.  काहींनी तर राधिकाचा संबंध थेट राज कुंद्रा प्रकरणाशी जोडत तिला ट्रोल केलं होतं. 
राधिका आपटेबॉलिवूडची बोल्ड, बिनधास्त अभिनेत्री म्हणून ओळखली जाते हिंदी, मराठी शिवाय साऊथच्या अनेक सिनेमांत दमदार भूमिका साकारणा-या राधिकाने फार कमी वेळात इंडस्ट्रीत स्वत:चे एक वेगळे स्थान निर्माण केले. पण सोबत अनेक कॉन्ट्रोव्हसीर्मुळेही ती चर्चेत राहिली. न्यूड सीन्स लीक झाल्यामुळे तिच्यावर प्रचंड टीका झाली होती.