​‘खिलाडी’वर भारी पडलेली राधिका आपटे निघाली हॉलिवूडला!

ब�

��लिवूड बोल्ड अन् ग्लॅमरस अभिनेत्री राधिका आपटे हिने फार कमी वेळात बॉलिवूडमध्ये स्वत:ची एक वेगळी ओळख निर्माण केली. अलीकडे  राधिकाचा ‘पॅडमॅन’ हा चित्रपट रिलीज झाला. ‘पॅडमॅन’मधील राधिकाच्या अभिनयाचे प्रचंड कौतुक झाले. अक्षय कुमारच्या पत्नीच्या भूमिकेत राधिकाने बॉलिवूडच्या ‘खिलाडी’ला जोरदार टक्कर दिली. ‘खिलाडी’ला टक्कर दिल्यानंतर राधिका आता हॉलिवूडला जाण्याच्या तयारीत असल्याची खबर आहे. होय, राधिकाच्या हाती एक हॉलिवूड सिनेमा लागल्याचे कळतेय. यात राधिका भारतीय वंशाचा अभिनेता देव पटेल याच्यासोबत स्क्रिन शेअर करताना दिसणार असल्याचे बोलले जात आहे. मुंबई मिररने दिलेल्या वृत्तानुसार, राधिकाने या बातमीस दुजोरा दिला आहे. या हॉलिवूडपटाचे शूटींग राजस्थानात होणार आहे. हॉलिवूड दिग्दर्शक मायकल विंटरबॉटम हा चित्रपट दिग्दर्शित करणार आहे.
 चित्रपटाशी संबंधित एका सूत्राने दिलेल्या माहितीनुसार, या चित्रपटाच्या शूटींगसाठी देव पटेल दोन आठवड्याआधीच भारतात पोहोचला आहे. टीमसोबत ओळख करण्यासोबतच भूमिकेत शिरण्याच्या अनुषंगाने त्याने येथील अनेक लोकेशन्सबाबतही माहिती घेतली. देव पटेलला ‘स्लमडॉग मिलेनियर’ या चित्रपटामुळे एका रात्रीत चर्चेत आला होता. या चित्रपटात देवसोबत अनिल कपूर महत्त्वपूर्ण भूमिकेत दिसला होता. देवच्या या चित्रपटाने आॅस्कर पुरस्कारावरही नाव कोरले होते.
राधिकाबद्दल सांगायचे तर, २००५ मध्ये राधिकाने  ‘वाह, लाईफ हो तो ऐसी’ या चित्रपटातून बॉलिवूड डेब्यू केले होता. यानंतर ‘शोर इन द सिटी’, ‘कबाली’,‘बदलापूर’, ‘मांझी- द माऊंटेन मॅन’ अशा अनेक चित्रपटांत राधिका दिसली आहे. हिंदी चित्रपटांशिवाय राधिकाने मराठी, तेलगू, तामिळ, मल्याळम चित्रपटातही काम केलेय. राधिकाची गणना मेनस्ट्रीम सिनेमाच्या टॉप मोस्ट अभिनेत्रींमध्ये होत नसली तरी तिची एक वेगळी फॅन फॉलोर्इंग आहे. दमदार अभिनयासाठी राधिका ओळखली जाते. तशीच एक बोल्ड अ‍ॅक्ट्रेस अशीही तिची ओळख आहे. तिच्या अनेक बोल्ड फोटोशूट आणि सीन्सवर वादंग माजले होते.

ALSO READ : राधिका आपटेने या अभिनेत्याला म्हटले ‘ओव्हररेटेड’!