Rajpal Yadav : अभिनेता राजपाल यादवची विद्यार्थ्याला शिवीगाळ; तक्रार दाखल

विनोदी अभिनेता राजपाल यादवविरोधात विद्यार्थ्याला शिवीगाळ केल्याप्रकरणात तक्रार दाखल झाली आहे.

Rajpal Yadav : विनोदी अभिनेता राजपाल यादवविरोधात विद्यार्थ्याला शिवीगाळ(Misbehave) केल्याप्रकरणात तक्रार दाखल झाली आहे. प्रयागराज (Prayagraj) येथे चित्रपटाच्या शूटिंग दरम्यान राजपाल टु व्हिलर चालवत असताना अपघाताने एका विद्यार्थ्याला धडकला. याविरोधात विद्यार्थ्याने कर्नलगंज पोलिस ठाण्यात तक्रार दाखल केली. 

बालाजी हा विद्यार्थी विश्वविद्यालयाच्या बॅंकरोड परिसरात पुस्तके विकत घेत होता. तिथेच सिनेमाचे शूट सुरु होते. राजपाल यादव टू व्हिलर चालवत होता. अपघाताने राजपाल यादव विद्यार्थ्याला धडकला. यामुळे त्याला दुखापत झाली मात्र राजपाल यादवच्या क्रू मेंबर्सने शिविगाळ केल्याचा आरोप विद्यार्थ्याने केला आहे. तसेच मारण्याचीही धमकी दिली असल्याचे त्याने तक्रारीत म्हणले आहे. 

Uttar Pradesh | A student, Balaji, has filed a complaint against Actor Rajpal Yadav at Colonelganj PS, Prayagraj, accusing the actor of hitting him with a scooter. Actor Rajpal Yadav has also filed a complaint against the student for creating hindrances during film shooting.

— ANI UP/Uttarakhand (@ANINewsUP) December 12, 2022

तर दुसरीकडे शूटिंग क्रू मेंबर्सनेही विद्यार्थ्याविरोधात तक्रार दाखल केली आहे. शूटिंगमध्ये अडथळे आणल्याचा आरोप त्याच्यावर केला आहे. बाजुला हो सांगूनही तो मुलगा तिथेच भटकत होता, फोटो काढत होता असा आरोप विद्यार्थ्यावर करण्यात आला आहे.