Raju Shrivastav death: 'पहिल्यांदा तुम्ही रडवले राजू भाई, शेवटची भेट...' कपिल शर्माची इमोशनल पोस्ट

Raju Shrivastav death: राजू श्रीवास्तव यांच्या निधनावर कॉमेडियन कपिल शर्माने भावूक पोस्ट लिहिली आहे.

Raju Shrivastav death: कॉमेडीचा बादशाह राजू श्रीवास्तव यांचे आज निधन झाले. जगाला खळखळून हसवणारे राजू आज सर्वांना रडवून गेले. लाखो चेहऱ्यांवर हास्य आणणारे राजू श्रीवास्तव आता आपल्यात नाहीत यावर विश्वास बसणे कठीण आहे. राजू श्रीवास्तव नेहमी लोकांच्या आयुष्यात आनंद भरण्याचा प्रयत्न करायचे. राजू यांच्या निधनावर कपिल शर्मानेही एक पोस्ट टाकून त्यांना श्रद्धांजली वाहिली आहे.
 
राजूसाठी कपिलची पोस्ट
सगळ्यांना हसवण्याची कला देव देत नाही आणि राजू श्रीवास्तव यांनी त्यात प्रभुत्व मिळवले होते. कधी-कधी राजू आपल्या हलक्याफुलक्या विनोदांतून गंभीर प्रश्नही मांडायचे. कपिल शर्माही अनेकदा त्यांना आपल्या शोमध्ये बोलावत असे. कपिल शर्मा आणि राजू श्रीवास्तव हे दोघेही कॉमेडीचे चॅम्पियन मानले जातात. कपिल आणि राजू दोघेही स्पेशल बाँड्स शेअर करत होते. राजू श्रीवास्तव यांच्या निधनाच्या बातमीने कपिल शर्माला मोठा धक्का बसला आहे.

राजू श्रीवास्तवसोबतचा फोटो शेअर करताना कपिलने लिहिले की, 'आज पहिल्यांदा तुम्ही मला रडवले राजू भाई. आणखी एक भेट व्हायला हवी होती. देव तुम्हाला त्याच्या चरणी स्थान देवो. तुमची खूप आठवण येईल. अलविदा ओम शांती.' राजू श्रीवास्तवसोबतच्या हसतमुख फोटोवर कपिलने ही भावूक पोस्ट लिहिली आहे.

अर्चना पूरण सिंह यांनीही पोस्ट शेअर केली 
कपिल शर्माशिवाय अर्चना पूरण सिंहनेही राजू श्रीवास्तव यांची आठवण करून देणारी पोस्ट शेअर केली आहे. 'राजू म्हणायचा- अर्चना जी, मी इथे कॉमेडीच्या मंचावर खूश आहे. हे माझे घर आहे. माझा प्रत्येक दिवस इथेच जावा अशी माझी इच्छा आहे. मला खात्री आहे की राजू स्वर्गातही सर्वांचे मनोरंजन करेल. लाफ्टर चॅम्पियनच्या मंचावरील भेट शेवटची असेल, हे माहित नव्हते. तुझी खूप आठवण येईल.'

छोट्या शहरातून बाहेर पडून मोठे नाव कमावले
राजू श्रीवास्तव हे मनोरंजन क्षेत्रातील मोठे नाव होते. कानपूरसारख्या छोट्या जागेतून बाहेर पडून त्यांनी या क्षेत्रात मोठा ठसा उमटवला. राजू श्रीवास्तव यांनी 2005 मध्ये द ग्रेट इंडियन लाफ्टर चॅलेंजमध्ये भाग घेतला होता. पण शो जिंकू शकले नाही. मात्र, त्यांनी आपल्या मजेशीर जोक्सने सर्वांना हसवले. यानंतर तो बिग बॉस आणि द कपिल शर्मा सारख्या शोमध्येही दिसले. राजू श्रीवास्तव यांनी टेलिव्हिजनशिवाय चित्रपटांमध्येही काम केले.