राखी सावंतच्या बायोपिकमध्ये आलिया भट्ट आणि विद्या बालन दिसणार? अभिनेत्रीचा खुलासा, म्हणाली...

राखीने बायोपिकची घोषणा केल्यापासून चित्रपटात तिची भूमिका कोण साकारणार, याबाबत चाहत्यांना उत्सुकता होती. आता राखीने तिच्या बायोपिकबद्दल नवीन अपडेट दिली आहे.

ड्रामा क्वीन राखी सावंत नेहमीच कोणत्या ना कोणत्या कारणामुळे चर्चेत असते. राखीचे अनेक व्हिडिओ सोशल मीडियावर व्हायरल होत असतात. कॅमेऱ्यासमोर नौटंकी करुन राखी सगळ्यांचं लक्ष वेधून घेत असते. गेल्या काही महिन्यांपासून राखी तिच्या वैवाहिक जीवनामुळे चर्चेत होती. पती आदिल खानवर राखीने अनेक गंभीर आरोप केले होते. आदिल आणि राखीचा आरोपांचा सिलसिला सुरू असतानाच अभिनेत्रीने तिच्यावरील बायोपिकची घोषणा केली. 

आता राखीने तिच्या बायोपिकबद्दल नवीन अपडेट दिली आहे. राखीने बायोपिकची घोषणा केल्यापासून चित्रपटात तिची भूमिका कोण साकारणार, याबाबत चाहत्यांना उत्सुकता होती. बॉलिवूड अभिनेत्री आलिया भट्ट किंवा विद्या बालनने चित्रपटात काम करावं, अशी राखीची इच्छा आहे. राखीने याबाबत एक नवा खुलासा केला आहे. बायोपिकसाठी आलिया भट्ट आणि विद्या बालनला विचारणा केल्याचं राखीने सांगितलं आहे. 

View this post on Instagram

A post shared by Filmymantra Media (@filmymantramedia)

राखीच्या या व्हिडिओवर नेटकऱ्यांनी कमेंट करत तिला ट्रोल केलं आहे. अनेकांनी राखीला सल्लेही दिले आहेत. "आलिया भट्ट विचार करत असले, हे कसं घडलं?" अशी कमेंट एकाने केली आहे. तर दुसऱ्याने "चांगली मस्करी आहे", असं म्हटलं आहे. "डॉली बिंद्रा की बेबिका कोण चांगली दिसेल?" असंही एकाने म्हटलं आहे. 

दरम्यान, राखीने अनेक बॉलिवूड चित्रपटांत काम केलं आहे. तिचे आयटम साँगही प्रचंड हिट झाले होते. राखी बिग बॉसमध्येही सहभागी झाली होती. तिची स्वत:ची डान्स अकॅडमीदेखील आहे.