"मोदी फक्त नोट बदलण्यासाठी देशात येतात", राखीने केली पंतप्रधानांची मिमिक्री, म्हणाली, "मित्रो..."

पंतप्रधान मोदींबद्दल राखी सावंतचं वक्तव्य, म्हणाली, "भारताचे पंतप्रधान असून ते..."

बॉलिवूडची ड्रामा क्वीन राखी सावंत कायमच चर्चेत राहण्याचा प्रयत्न करते. काहीतरी ड्रामा करुन राखी सगळ्यांचं लक्ष वेधून घेत असते. तिचे अनेक व्हिडिओ सोशल मीडियावर व्हायरल होत असतात. अनेकदा राखी तिच्या वक्तव्यांमुळेही चर्चेत असते. काही दिवसांपूर्वी तिने उद्योगपती मुकेश अंबानी आणि नीता अंबानी यांच्याबाबत वक्तव्य केलं होतं. आता पंतप्रधान नरेंद्र मोदींबद्दल केलेला वक्तव्यामुळे ती चर्चेत आली आहे. 

राखीचा एक व्हिडिओ समोर आला आहे. या व्हिडिओत ती मोदींबद्दल बोलताना दिसत आहे. राखी म्हणते, "मोदींना आपण धन्यवाद म्हटलं पाहिजे. भारताचे पंतप्रधान असून नरेंद्र मोदी संपूर्ण जगात फिरत असतात.ते फक्त नोट बदलण्यासाठी भारतात येतात." या व्हिडिओत राखी मोदींची मिमिक्रीही करताना दिसत आहे. "मित्रो, आज रात ८ बजे सब नोट बदल दिये जायेंगे,"असं म्हणत राखीने पंतप्रधान मोदींची मिमिक्री केली आहे. पुढे ती "मोदीजी तुम्हाला सलाम...तुम्ही परदेशातच राहा," असंही म्हणत आहे. इन्स्टंट बॉलिवूड या पापाराझी पेजवरुन राखीचा हा व्हिडिओ शेअर करण्यात आला आहे. 

View this post on Instagram

A post shared by Instant Bollywood (@instantbollywood)

राखीने अनेक बॉलिवूड चित्रपटांत काम केलं आहे. आयटम साँगसाठी ती विशेष ओळखली जाते. राखी 'बिग बॉस' हिंदी आणि मराठीमध्येही सहभागी झाली होती. मध्यंतरी राखी तिच्या वैवाहिक आयुष्यामुळेही चर्चेत आली होती.