बाबो ! राखी सावंतला गिफ्ट मिळाली नवी अलिशान BMW, शेअर केला व्हिडीओ
By ऑनलाइन लोकमत | Published: April 12, 2022 01:44 PM2022-04-12T13:44:50+5:302022-04-12T13:45:18+5:30
Rakhi Sawant : काही महिन्यांआधी राखी सावंत एका लक्झरी कारच्या शो रूमबाहेर दिसली होती. तू नवी कार खरेदी करतेय का? असं पापाराझींनी विचारल्यावर, माझ्याकडे 50-60 लाख रूपये नाहीत. मी काय गाडी घेणार? असं ती म्हणाली होती. पण आत्ता...
बाबो ! राखी सावंतला गिफ्ट मिळाली नवी अलिशान BMW, शेअर केला व्हिडीओ
Next काही महिन्यांआधी राखी सावंत (Rakhi Sawant ) एका लक्झरी कारच्या शो रूमबाहेर दिसली होती. तू नवी कार खरेदी करतेय का? असं पापाराझींनी विचारल्यावर राखी काहीशी हिरमुसली होती. माझ्याकडे 50-60 लाख रूपये नाहीत. मी काय गाडी घेणार? असं ती म्हणाली होती. पण आत्ता विचाराल तर राखी एका नव्या कोऱ्या बीएमडब्ल्यू कारची मालकीण आहे. होय, राखीने तिच्या इन्स्टाग्राम अकाऊंटवर तिच्या नव्या कारचा व्हिडीओ शेअर केला आहे. या व्हिडीओत राखी अलिशान लाल रंगाच्या बीएमडब्ल्यू कारसोबत पोझ देताना दिसत आहे. आनंदात केक कापताना दिसतेय.
काही महिन्यांआधीच राखीजवळ पैसे नव्हते. मग आता इतकी महागडी कार तिने कशी खरेदी केली? असा प्रश्न तुम्हाला पडला असेलच. तर ही कार राखीला गिफ्ट म्हणून मिळाली आहे. होय, माझी गिफ्टेड गाडी..., असं तिने व्हिडीओ पोस्ट करताना लिहिलं आहे. ज्यांनी गाडी गिफ्ट दिली, ते सुद्धा या व्हिडीओत दिसत आहेत. अनेक चाहत्यांनी राखीला तिच्या नव्या गाडीसाठी शुभेच्छा दिल्या आहेत.
अग्नीचक्र या चित्रपटातून राखीने सिनेसृष्टीत पदार्पण केल्याचं म्हटलं जातं. मात्र, या नंतर ही कोणत्याही चित्रपटात अभिनेत्री म्हणून फारशी झळकली नाही.सध्याच्या घडीला राखी कोणत्याही चित्रपट वा जाहिरातींमध्ये दिसत नाही. मात्र, तरीदेखील ती कोटयावधींची मालकीण असल्याचं सांगण्यात येतं.
राखी खासकरुन तिच्या आयटम साँगसाठी ओळखली जाते.राखीच्या नावावर एकूण 37 कोटी रुपयांच्या संपत्ती असल्याचं सांगण्यात येतं. मात्र, तिच्याकडे हा पैसा कुठून येतो हा प्रश्न अनेकांना पडतो.
राखी सावंतचे मुंबईत दोन मोठे आलिशान फ्लॅट आहेत. तसंच तिच्याकडे कारदेखील आहे. इतंकच नाही तर तिचा एक11कोटींचा बंगलादेखील आहे.
राखी सावंत चित्रपटात काम करत नसली तरीदेखील ती स्टेज शो वगैरे करत असते. त्यातून तिचं घर चालतं.राखीने आतापर्यंत अनेक स्टेज शो, बिग बॉस असे रिअ‍ॅलिटी शो केले आहेत. तसंच ती वेगवेगळे डान्सचे स्टेज शोदेखील करते.राखीने विदेशातही डान्सचे कार्यक्रम केले आहेत. त्यामुळे रिअ‍ॅलिटी शो,डान्स हे तिच्या उत्पन्नाचं मुख्य साधन मानलं जातं.