राखी सावंतने म्हटले, ‘हे काळवीट प्रकरण नसून दुसरेच प्रकरण आहे, सलमानला फसविले जात आहे’!

सलमान खानच्या शिक्षेनंतर बॉलिवूडमधून विविध प्रकारच्या प्रतिक्रिया समोर येत आहेत. आता राखी सावंतनेही तिची प्रतिक्रिया दिली असून, हे काळवीट प्रकरण नसून, दुसरेच प्रकरण असल्याचे तिने म्हटले आहे.

स�

��परस्टार सलमान खानला काळवीट शिकार प्रकरणी जोधपूर न्यायालयाने शिक्षा सुनावल्यानंतर बॉलिवूडमधून विविध प्रकारच्या प्रतिक्रिया समोर येत आहेत. आता यामध्ये कॉन्ट्रोर्व्हशी क्वीन राखी सावंतचेही नाव जोडले गेले आहे. राखीने सलमानच्या बाजूने प्रतिक्रिया देताना लिहिले की, ‘सलमान खानसाठी कुठलाही तुरुंग बनला नाही. त्याला फसविले जात आहे.’ राखीने तिच्या प्रतिक्रियेचा हा व्हिडीओ आॅफिशियल ट्विटर अकाउंटवर शेअर केला आहे. राखीचा हा व्हिडीओ केवळ १७ तासांमध्ये ५८ हजारपेक्षा अधिक लोकांनी बघितला आहे. 

मीडियाशी बोलताना राखीने म्हटले की, ‘सलमान खानसाठी अद्यापपर्यंत एकही तुरुंग बनला नाही. त्यामुळे त्याला कोणी तुरुंगात टाकू शकत नाही, मग तो कोणीही असो. सलमान खानला सर्वच पाठिंबा देत आहेत. संपूर्ण बॉलिवूड सलमानच्या सोबत उभे आहे. तसेच राजकीय क्षेत्रातील लोकांचाही सलमानला पाठिंबा मिळत आहे. परंतु तारखांचा चक्कर तर सुरूच असतो. मला असे वाटते की, सलमानला फसविले जात आहे. वास्तविक हे काळवीट शिकार प्रकरण नाहीच, हे प्रकरण काही औरच आहे, जे आम्हाला अद्यापपर्यंत समजले नाही.’ 
 

दरम्यान, राखीने शेअर केलेल्या या व्हिडीओला चाहत्यांकडून रिअ‍ॅक्शन येत आहेत. एका यूजरने कॉमेण्ट बॉक्समध्ये लिहिले की, ‘मला नाही वाटत की सलमान खानसारखा अन्य कोणी अभिनेता आहे. तो चॅरेटीचे कित्येक काम करीत आहे.’ आणखी एका यूजरने लिहिले की, ‘होय, प्रकरण खरोखरच काही वेगळेच आहे.’ तर आणखी एका यूजरने लिहिले की, ‘मी तुझ्या म्हणण्याशी एक हजार टक्के सहमत आहे. तू बरोबर बोलत आहेस.’ राखी सावंत सलमान होस्ट असलेल्या ‘बिग बॉस’ या वादग्रस्त शोमध्ये सहभागी झाली आहे.