Rakshabandhan 2023: संजय दत्तने शेअर केला लाडक्या बहिणींसोबतचा फोटो, म्हणाला- प्रिय प्रिया आणि अंजू...

संजय दत्त सोशल मीडियावर खूप सक्रिय असला तरी त्याच्या दोन्ही बहिणी लाइमलाइटपासून कायम दूर राहणे पसंत करतात.

आज ३० ऑगस्ट रोजी श्रावणी पौर्णिमा आहे. या दिवशी रक्षाबंधनाचा सण मोठ्या उत्साहात आणि आनंदात देशभरात साजरा केला जातो. बॉलिवूड सेलेब्रिटीही याला अपवाद कसे असतील. बॉलिवूड कलाकारदेखील आपल्या भावडांसोबत रक्षाबंधन मोठ्या उत्साहात साजरा करतायेत. सोशल मीडियावर यादरम्यानचे फोटोदेखील शेअर करतायेत. संजय दत्तने त्याच्या दोन्ही बहिणींसोबतचा एक क्युट फोटोही शेअर केला आहे. यासोबतच त्याने आपल्या बहिणींवर प्रेमाचा वर्षाव केला आहे. 

संजय दत्त सोशल मीडियावर खूप सक्रिय असला तरी त्याच्या दोन्ही बहिणी लाइमलाइटपासून कायम दूर राहणे पसंत करतात. संजय दत्त अनेकदा आपल्या बहिणींसोबत बालपणीचे फोटो शेअर करत असतो. चाहत्यांना संजयचे त्याच्या बहिणींसोबतचे बाँडिंग खूप आवडते.

दोन्ही बहिणींसोबतचा फोटो शेअर करताना संजय दत्तने लिहिले - ''माझ्या प्रिय प्रिया आणि अंजू, या रक्षाबंधनाच्या निमित्ताने मला तुम्हा दोघांनाही तुमच्यावर असलेल्या नितांत प्रेम आणि आदराची आठवण करून द्यायची आहे. तुम्ही माझ्या आधारस्तंभ आहात,  मी नेहमी तुमच्या पाठीशी उभे राहण्याचे वचन देतो. आपलं नातं बहिणीच्या प्रेमासारखे निर्मळ आणि अतूट राहू दे.'' तुम्हाला रक्षाबंधनाच्या शुभेच्छा! फोटोमध्ये नम्रता लाल रंगाच्या ड्रेसमध्ये दिसत आहे तर प्रियाने प्रिंटेड सूट घातला आहे.  त्याचा हा फोटो चाहत्यांना खूप आवडला आहे.

वर्क फ्रंटबद्दल बोलायचे झाले तर संजय दत्त लवकरच 'घुडचडी' या रोमँटिक कॉमेडी चित्रपटात दिसणार आहे. याशिवाय तो द व्हर्जिन ट्रीमध्ये मौनी रॉय, पलक तिवारी आणि सनी सिंगसोबत दिसणार आहे.