Ram Charan:  वाढदिवशी रामचरणने चाहत्यांना दिलं स्पेशल रिटर्न गिफ्ट, शेअर केला 'गेम चेंजर'चा टीझर

Ram Charan: साऊथ सुपरस्टार राम चरणचा आज वाढदिवस. आज राम चरण त्याचा ३८ वा वाढदिवस साजरा करतोय. वाढदिवशी राम चरणने आपल्या नव्या सिनेमाचं नाव व टायटल टीझर रिलीज करत चाहत्यांना मोठ्ठ रिटर्न गिफ्ट दिलं आहं

साऊथ सुपरस्टार रामचरणचा (Ram Charan) आज वाढदिवस. आज रामचरण त्याचा ३८ वा वाढदिवस साजरा करतोय. वाढदिवशी रामचरणने आपल्या नव्या सिनेमाचं नाव व टायटल टीझर रिलीज करत चाहत्यांना मोठ्ठ रिटर्न गिफ्ट दिलं आहं. रामचरणच्या या सिनेमात बॉलिवूड अभिनेत्री कियारा अडवाणी मुख्य भूमिकेत आहेत. गेल्या काही दिवसांपासून या सिनेमाचं शूटींग सुरू होते. RC 15 असं या चित्रपटाचं तात्पुरतं नामकरण करण्यात आलं होतं. पण आता या चित्रपटाच्या नावाची घोषणा झाली आहे. होय, रामचरण व कियाराच्या या बहुप्रतिक्षीत चित्रपटाचं शीर्षक 'गेम चेंजर' (Game Changer) असं ठेवण्यात आलं आहे.  

View this post on Instagram

A post shared by Ram Charan (@alwaysramcharan)

आपल्या सोशल मीडिया अकाऊंटवर चित्रपटाचे शीर्षक शेअर करताना राम चरणने एक टीझरही शेअर केला आहे.  "हा गेम चेंजर आहे!!!!", असं कॅप्शन त्याने दिलं आहे. राम चरण आणि कियारा अडवाणी यांच्याशिवाय या चित्रपटात अंजली, समुथिराकणी, एसजे सूर्या, श्रीकांत, सुनील यांच्याही महत्त्वपूर्ण भूमिका आहेत. एस. शंकर हे या सिनेमाचे दिग्दर्शक आहेत. याआधी विक्रम, शिवाजी, रोबोट असे सिनेमे त्यांनी बनवले आहेत. एस. शंकर हे साऊथचे महागडे दिग्दर्शक म्हणून ओळखले जातात.  जबरदस्त व्हीएफक्स इफेक्ट्साठी त्यांचे सिनेमे ओळखले जातात. गेम चेंजरच्या टायटल टीझरमध्येही जबरदस्त व्हीएफएक्सची झलक पाहायला मिळते. 

 'गेम चेंजर' एक पॉलिटिकल ॲक्शन थ्रिलर सिनेमा आहे. चर्चा खरी मानाल तर, या चित्रपटात राम चरण डबलरोलमध्ये दिसणार आहे. हिंदीशिवाय तामिळ व तेलगू भाषेत प्रदर्शित होणारा 'गेम चेंजर' या वर्षाच्या अखेरीस किंवा पुढील वर्षाच्या सुरुवातीला रिलीज होण्याची अपेक्षा आहे.