Ram Charan: राम चरण बनणार नवा जेम्स बॉन्ड? विश्वास बसत नसेल तर Marvelच्या निर्मात्याचं ट्वीट बघा

Ram Charan: मार्व्हल स्टुडिओचे क्रिएटर्सही ‘आरआरआर’च्या प्रेमात पडले आहेत. विशेषत: राम चरणचा अभिनय पाहून मंत्रमुग्ध झाले आहेत. याचा परिणाम काय तर, राम चरण मार्व्हलच्या सिनेमाचा नवा जेम्स बॉन्ड बनू शकतो...

साऊथ सुपरस्टार राम चरणने (Ram Charan) ‘RRR’ या सिनेमात साकारलेल्या भूमिकेचं जबरदस्त कौतुक झालं. या सिनेमानं 1000 कोटींची कमाई करत, सर्वांना थक्क केलं. चित्रपटाचं, चित्रपटातील कलाकारांच्या अदाकारीचं केवळ देशातील समीक्षकांनीच नाही तर हॉलिवूडनेही दाद दिली. अगदी मार्व्हल स्टुडिओचे क्रिएटर्सही ‘आरआरआर’च्या प्रेमात पडले आहेत. विशेषत: राम चरणचा अभिनय पाहून मंत्रमुग्ध झाले आहेत. याचा परिणाम काय तर, राम चरण मार्व्हलच्या सिनेमाचा नवा जेम्स बॉन्ड (James Bond) बनू शकतो.

आता आम्ही हे काय बोलतोय? असं तुम्हाला वाटेल. पण हे खरं आहे. जेम्स बॉन्डच्या भूमिकेच्या शर्यतीत आता राम चरणचं नाव सामील झालं आहे. विश्वास बसत नसेल तर पुढची बातमी वाचा.

 तुम्हाला ठाऊक आहेच की, डेनियल क्रेगने 2021 साली जेम्स बॉन्डच्या फ्रेन्चाइजीतून बाहेर पडण्याचा निर्णय घेतला होता. तेव्हापासून नवा जेम्स बॉन्ड कोण असणार? असा प्रश्न विचारल्या जात आहे. अफवांचा बाजारही गरम आहे. जेम्स बॉन्डच्या दावेदारांच्या शर्यतीत अनेकांची नावं आहेत. अशात मार्व्हलच्या ‘ल्युक केज’चे निर्माते  चेओ होदारी कोकर (Cheo Hodari Coker ) यांनी राम चरण जेम्स बॉन्डच्या भूमिकेसाठीचा मोठा दावेदार होऊ शकतो, असं म्हटलं आहे. जेम्स बॉन्डच्या भूमिकेसाठी सर्वात योग्य असलेल्या अभिनेत्यांमध्ये त्यांनी राम चरणचं नाव घेतलं आहे.  

Damn! That escalated quickly. Everyone knows Idris from, well, everything, but to get inside my thinking, watch Sope in "Gangs Of London," Matthew G in "The Offer", Damson in "Snowfall" and Ram in "RRR". They all deserve a shot at a Savile Row suit and a Walther PPK. https://t.co/8ZGV4UFd9P

— Cheo Hodari Coker (@cheo_coker) July 27, 2022

 चेओ होदारी कोकर यांनी ट्विटरवर एक यादी शेअर केली आहे. यात त्यांनी जेम्स बॉन्डच्या भूमिकेसाठींची त्यांच्या पसंतीच्या कलाकारांची नावं सांगितली आहे. या यादीत त्यांनी Idris Elba, Sope Dirisu, Matthew Goode, Damson Idris आणि राम चरणच्या नावाचा उल्लेख केला आहे. हेच कलाकार का? यामागचं कारणही त्यांनी सांगितलं.  

‘अरे, त्यांची घोडदौड पाहा. सगळे इद्रीसला ओळखतात. पण गॅग्स ऑफ लंडनमधील सोप, ऑफरमधील मॅथ्य जी, स्रोफॉलमधील डॅमसन आणि आरआरआरमधील राम चरण पाहर. हे सगळेच सॅव्हिल रो सूट आणि वॉल्थर पीपीकेवर शॉट देण्यास पात्र आहेत, असं त्यांनी दुस-या ट्विटमध्ये म्हटलं आहे.
 चेओ होदारी कोकर यांच्या या ट्विटनं राम चरणचे चाहते अगदी हवेत आहेत. टॉलिवूडचा सुपरस्टार राम चरणची आता हॉलिवूडमध्येही चर्चा होतेय, म्हटल्यावर चाहते खूश्श आहेत.