​राम रहिम माझ्यावर करणार होता अतिप्रसंग असे सांगतेय राखी सावंत

र�

��म रहिम गुरमित सिंगला राखी गेल्या तीन, साडे तीन वर्षांपासून ओळखत होती. त्याला ती अनेकवेळा भेटली होती. पण त्याला एकदा भेटायला गेले असता एक भयानक घटना घडली असल्याचे ती सांगते. माझे दैव त्या रात्री बलवत्तर असल्यानेच मी राम रहिमच्या कचाट्यातून सुटली असे राखी सांगते. ती रात्र आजही तिच्या चांगल्याच स्मरणात असल्याचे राखीचे म्हणणे आहे. त्या रात्रीची आठवण आल्यास आजही राखीला धडकी भरते. 
राखी त्या रात्रीविषयी सांगते, मी एकदा राम रहिमच्या गुफेत गेली होती. तिथे माझे खूपच चांगले आदरातिथ्य करण्यात आले होते. मला खूप काही खायला प्यायला दिले होते. पण त्यातील एक पेय प्यायल्यानंतर मला चक्करसारखे व्हायला लागले होते. मला काहीच सुचत नव्हते. बाबाचा त्या दिवशीचा हेतू काही तरी वेगळाच मला जाणवत होता. पण हनप्रीतने काहीही करून बाबाला माझ्या जवळ येऊन दिले नाही. हनप्रीत मला आणि बाबाला नेहमीच दूर ठेवायचा प्रयत्न करायची. राम रहिम माझ्यासोबत लग्न करेल अशी तिला नेहमीच भीती होती. पण त्या दिवशी एका अर्थाने हरप्रीतने मला मदतच केली असे मी म्हणेन. त्या दिवशी हरप्रीतने केलेल्या मदतीसाठी मी नेहमीच तिची आभारी राहिन. 
एवढेच नव्हे तर एकदा राम रहिमने मला आयुष्यात तडतोड नक्कीच कर असे सांगितले होते. पण त्यावेळी तडजोड कर म्हणजे काय असे त्याने सांगण्यामागे त्याचा उद्देश काय होता हे मला कळले नव्हते. पण आता सगळ्याच गोष्टी उलगडायला लागल्या आहेत. 
राम रहिमच्या जीवनावर लवकरच राखी सावंत एक चित्रपट बनवणार आहे. राखीचा भाऊ या चित्रपटाचे दिग्दर्शन करणार आहे तर या चित्रपटात राखी हनप्रीतच्या भूमिकेत दिसणार आहे. या चित्रपटाचे शूटिंग नुकतेच दिल्लीमध्ये सुरू झाले असून 'अब होगा इन्साफ' असे या चित्रपटाचे टायटलही निश्चित झाले आहे. हनप्रीतची भूमिका साकारणारी राखी सावंत या चित्रपटात आयटम नंबरदेखील करणार आहे. डेरा सच्चा सौदा प्रमुख राम रहीमला साध्वींवर केलेल्या बलात्कारप्रकरणी सीबीआयच्या विशेष न्यायालयाने २० वर्षांची शिक्षा सुनावली आहे. त्याने त्याच्या आयुष्यात केलेले अनेक कांड राखी 'अब होगा इन्साफ' या चित्रपटाच्या माध्यमातून प्रेक्षकांना दाखवणार आहे.  

Also Read : राखी सावंत करणार होती गुरमित राम रहिमसोबत लग्न?