​राणा डग्गूबती व श्रिया सरन गेले डेटवर?

स�

��ऊथ सुपरस्टार राणा डग्गूबती आणि श्रिया सरन यांचे सुत जुळल्याची चर्चा गेली वर्षभर सुरू आहे. अनेकवेळा दोघांना एकत्र पाहिले गेले. मात्र, आम्ही केवळ चांगले मित्र आहोत असेच दोघांनी सांगितले. नुकतेच मुंबईच्या एका हॉटेलमध्ये ते सोबत दिसले.

मीडिया गॉसिपनुसार दोघे एकमेकांसोबत अत्यंत आनंदाने बोलत होते. संपूर्ण वेळ त्यांची केमिस्ट्री बघण्यासारखी होती. त्यांची सलगी पाहून तर कोणीही सांगेल की, ते प्रेमात आहे. नंतर त्यांना हॉटेल बाहेर पडताना फोटोग्राफर्सने टिपले.

राणाने नुकतीच ‘बाहुबली २’ची शूटींग पूर्ण केली असून श्रेयासुद्धा एका विनोदी तमिळ चित्रपटात झळकणार आहे. वर्षाच्या सुुरुवातीपासूनच दोघे एकमेकांना डेट करत असल्याची चर्चा सुरू झाली होती. यापूर्वी दिल्लीमध्येसुद्धा त्यांना एका हॉटेलमध्ये पाहण्यात आले होते.

‘लिंक-अप’च्या सर्व बातम्यांना मात्र दोघांनी वेळोवेळी नकार देत केवळ ‘जस्ट फ्रेंडस्’ची भूमिका घेतली होती. विशेष म्हणजे काही महिन्यांपूर्वी वेस्ट इंडिजचा क्रिकेटर डीजे ब्राव्होसोबतही श्रियाचे नाव जोडण्यात आले होते. दोघांचा एकत्र फोटो बराच गाजला होता. मात्र त्या सर्व अफवाच निघाल्या.

                                   
                                   _{जस्ट फेंडस्? : राणा डग्गूबती आणि श्रिया सरन}

तत्पूर्वी बॉलीवूडमध्ये श्रिया शेवटची अजय देवगण स्टारर ‘दृश्यम’मध्ये दिसली होती. लवकरच ती तमिळ चित्रपट ‘ट्रिपल ए’ची शूटींग सुरू करणार आहे. ‘बाहुबली - द बिगिनिंग’च्या अफाट यशानंतर त्याच सिक्वेल पुढील वर्षी एप्रिलमध्ये प्रदर्शित होणा आहे. राणा यामध्ये ‘भल्लाल देव’ची भूमिका साकारत आहे.

आता राणा-श्रियामध्ये खरे काय नि खोटे काय हे लवकरच कळेल पण दोघे एकमेकांना अत्यंत शोभून दिसतात एवढं मात्र नक्की. तुम्हाला काय वाटते हे आम्हाला खाली कमेंट बॉक्समध्ये कळवा.