Video: 'हम तुझको उठाकर ले जाएंगे'! सगळ्यांसमोर रणबीरने घेतलं आलियाला उचलून

Ranbir Alia Wedding: लग्न झाल्यानंतर या जोडीने बाहेर येत प्रसारमाध्यमे आणि चाहत्यांची भेट घेतली. यावेळी चाहत्यांच्या आग्रहाखातर रणबीरने सगळ्यांसमोर आलियाला उचलून घेतलं.

बॉलिवूड अभिनेता रणबीर कपूर आणि आलिया भट्ट यांचा बहुचर्चित ठरलेला लग्नसोहळा (Ranbir Alia Wedding) अखेर आज संपन्न झाला आहे. मोजक्या पाहुण्यांच्या उपस्थितीत या जोडीने लग्नगाठ बांधली. विशेष म्हणजे हा लग्नसोहळा झाल्यानंतर अवघ्या काही तासांमध्ये त्यांच्या लग्नाचे फोटो, व्हिडीओ सोशल मीडियावर व्हायरल झाले आहेत.

लग्नानंतर काही वेळातच आलियाने तिच्या लग्नसोहळ्याचे अनसीन फोटो चाहत्यांसोबत शेअर केले. त्यामुळे सध्या या जोडीवर अभिनंदन आणि शुभेच्छांचा वर्षाव होत आहे. विशेष म्हणजे लग्न झाल्यानंतर या जोडीने बाहेर येत प्रसारमाध्यमे आणि चाहत्यांची भेट घेतली. यावेळी चाहत्यांच्या आग्रहाखातर रणबीरने सगळ्यांसमोर आलियाला उचलून घेतलं.

आलिया झाली रणबीरची 'दुल्हनिया'; पाहा त्यांच्या शाही विवाहसोहळ्याचे खास Photos

सध्या सोशल मीडियावर आलिया-रणबीरचा एक व्हिडीओ व्हायरल होत आहे. हा व्हिडीओ फिल्मफेअरने ( Filmfare) त्यांच्या अधिकृत ट्विटर अकाऊंटवर शेअर केला आहे. त्यामुळे सध्या तो तुफान व्हायरल होत आहे.

This moment when #RanbirKapoor picked up his dulhaniya #AliaBhatt will live in our minds for a long, long time. ❤️ pic.twitter.com/GMkRxHmY1P

— Filmfare (@filmfare) April 14, 2022

दरम्यान, रणबीर आलियाचा हा व्हिडीओ पाहिल्यावर नेटकऱ्यांना 'जब प्यार किसीसे होता हैं' या चित्रटातील सलमान आणि ट्विंकलवर चित्रीत झालेलं 'चल प्यार करेगी' या गाण्याची आठवण झाली. त्यामुळे सध्या हा व्हिडीओ चांगलाच चर्चेत येत आहे.