रणबीर कपूरचा संजय दत्तच्या बायोपिकमधला हा नवा लूक?

स�

��जय दत्तच्या बायोपिकसाठी रणबीर कपूर खूप मेहनत घेताना दिसतो आहे.आतापर्यंत त्यांने अनेक वेळा आपला लुक या चित्रपटासाठी बदलला आहे. कदाचित पहिल्यांदाच एखाद्या चित्रपटासाठी कोणता अभिनेता आपल्या लुक्ससोबत एवढे एक्सपेरिमेंट करत असेल. राजकुमार हिराणी दिग्दर्शित या चित्रपटातले आतापर्यंत रणबीरचे अनेक लुक्ससमोर आले आहेत. आता याच चित्रपटातला त्याचा आणखीन एक नवा लूक आऊट झाला आहे. मात्र याबाबत चित्रपटाच्या टीमकडून कोणतीच अधिकृत घोषणा करण्यात आलेली नाही. यात फोटोत रणबीर जिममध्ये आपल्या ट्रेनरसोबत बसलेला दिसतो आहे. रणबीरचा हा नवा फोटो इंटरनेटवर सध्या व्हायरल झाला आहे. गेल्या अनेक महिन्यांपासून संजय दत्तच्या बायोपिकमुळे रणबीर कपूर चर्चेत आहेत. त्यांने या चित्रपटासाठी वजन देखील वाढवले होते. संजय दत्तच्या आयुष्यातले वेगवेगळे टप्पे यात उलगडण्यात येणार आहेत. रणबीरसह यात मनीष कोईराला, सोनम कपूर आणि अनुष्का शर्मा यांच्या भूमिका आहेत. हा चित्रपट आधी ख्रिसमसमध्ये प्रेक्षकांच्या भेटीला येणार होता मात्र त्याचवेळेस सलमान खान आणि कॅटरिना कैफचा टायगर जिंदा है रिलीज होत असल्याने राजकुमार हिराणीने संजय दत्तच्या बायोपिकची रिलीज डेट पुढे ढकलली. आता हा चित्रपट मार्च 2018मध्ये रिलीज होणार आहे. 



ALSO READ : OMG !! ​‘जग्गा जासूस’नंतर रणबीर कपूरने घेतला एक मोठा निर्णय!

रणबीर आणि कॅटरिनाच्या जोडीचा जग्गा जासूस काही दिवसांपूर्वीच रिलीज झाला. यात रणबीर एका नटखट मुलाच्या भूमिकेत दिसला होता. हा चित्रपट बॉक्स ऑफिसवर गल्ला जमवण्यात अयशस्वी ठरला. याचित्रपटाकडून रणबीरला खूप अपेक्षा होत्या. कारण जग्गा जासूसची निर्मिती रणबीरने केली होती. या चित्रपटाचे दिग्दर्शन अनुराग बासूने केले होते.