रणदीप हुड्डाच्या ‘या’ एक्स गर्लफ्रेण्डने केले होळी स्पेशल फोटोशूट!

‘गरम मसाला’ फेम अभिनेत्री नीतू चंद्रा हिने होळी स्पेशल फोटोशूट करून धूम उडवून दिली आहे. या फोटोंमध्ये नीतू पूर्णत: ...

‘�

��रम मसाला’ फेम अभिनेत्री नीतू चंद्रा हिने होळी स्पेशल फोटोशूट करून धूम उडवून दिली आहे. या फोटोंमध्ये नीतू पूर्णत: रंगांमध्ये रंगलेली दिसत असून, सोशल मीडियावर तिचे फोटो सध्या धूम उडवून देत आहेत. एकेकाळी नीतूचे नाव अभिनेता रणदीप हुड्डा याच्याशी जोडले जात होते. त्यावेळी दोघांच्या अफेअरच्या चर्चा चांगल्याच रंगल्या होत्या. 





गेल्या ८ मार्च रोजी मुंबई येथे नीतूने हे फोटोशूट केले आहे. यातील काही फोटोज् तिने इन्स्टाग्रामवर शेअर केले असून, त्यामध्ये तिचा गॉर्जियस लूक बघावयास मिळत आहे. रंगात रंगलेल्या नीतूच्या अदा घायाळ करणाºया असून, तिचे हे फोटो नेटिझन्सकडून मोठ्या प्रमाणात पसंत केले जात आहेत. 





एक काळ असा होता की, नीतू चंद्रा आणि रणदीप हुड्डा यांच्या अफेअरच्या चर्चा दर दिवसाला समोर येत होत्या; मात्र २००२ साली त्यांच्यात ब्रेकअप झाले. त्यावेळेस दोघेही एकमेकांच्या प्रेमात असे काही रमले होते की, ते लग्नाच्या बंधनात अडकणार हे जवळपास निश्चित होते. विशेष म्हणजे दोघांच्याही आई-वडिलांना त्यांच्यातील संबंध मान्य होते. शिवाय त्यांनी लग्नास होकारही दिला होता; मात्र मधल्या काळात घडलेल्या घडामोडींमुळे त्यांच्यात ब्रेकअप झाले. त्यांच्या ब्रेकअपचे नेमके कारण समोर आले नसले तरी, रणदीपच्या स्मोकिंगमुळेच नीतू त्याच्यापासून दूर गेल्याची चर्चा आहे. 





दरम्यान, नीतू अक्षय कुमार आणि जॉन अब्राहम स्टारर ‘गरम मसाला’ या सिनेमात झळकलेली असून, तेथूनच तिच्या करिअरला ब्रेक मिळाला होता. परंतु पुढे तिला करिअरमध्ये फारसे सातत्य ठेवता आले नाही. आता तिच्या या फोटोशूटमुळे पुन्हा ती लाइमलाइटमध्ये आली असून, नेमक्या होळीच्या पार्श्वभूमीवर तिने केलेले फोटोशूट महत्त्वपूर्ण समजले जात आहेत. ‘होळी स्पेशल फोटोशूट’ या नावानेच हे फोटो सोशल मीडियावर शेअर केले जात आहेत.