​रणवीर-दीपिकाने लपवले, ते विन डिझेलने सांगून टाकले!

द�

��पिका पादुकोण आणि रणवीर सिंह हे दोघेही रिलेशनशिपमध्ये आहेत, हे आता लपून राहिलेले नाही. अर्थात दोघांपैकी कुणीही अधिकृतपणे हे कबुल करायला तयार नाहीत. दोघेही सर्वत्र एकत्र दिसतात. डिनर डेट असो चा हॉलिडे किंवा चित्रपटाचा सेट अशा प्रत्येकठिकाणी दीपिका व रणवीर एकमेकांची कंपनी एन्जॉय करताना दिसतात. पण त्यांच्या रिलेशनशिपबाबत विचारल्यावर आम्ही एकमेकांसाठी खूप स्पेशल आहोत, हे त्यांचे उत्तर ठरलेले असते. पण यापुढे दीपिका व रणवीर दोघेही असे म्हणू शकणार नाहीत. कारण त्यांचे रिलेशनशिप कन्फर्म झालेय. होय, रणवीर वा दीपिका यांनी नाही तर हे रिलेशन कन्फर्म केलेय, ते दीपिकाचा को-स्टार विन डिझेल याने. होय, ‘ट्रिपल एक्स’ या हॉलिवूडपटातील दीपिकाचा को-स्टार असलेल्या विन डिझेलने रणवीर दीपिकाचा बॉयफ्रेन्ड असल्याचे म्हटलेय. 



विन नुकताच भारतात येऊन गेला. यावेळी एका मुलाखतीत तो जे काही बोलला, ते ऐकून सगळ्यांच्याच भुवया उंचावल्या. तो म्हणाला, दीपिकाचा बॉयफ्रेन्ड रणवीरने माझी प्रचंड स्तूती केली. माझ्या बॉडीचीही त्याने प्रशंसा केली.आता विनने रणवीरला दीपिकाचा बॉयफ्रेन्ड संबोधले म्हटल्यावर त्यांच्या रिलेशनशिपबद्दल आता कुणालाही काहीही संशय राहायला नको. दीपवीरच्या चाहत्यांसाठी ही मोठीच आनंदाची बातमी म्हटला येईल. जे आपल्यापैकी अनेकजण दीपिका व रणवीरच्या तोंडून ऐकायला आतूर होते, ते विन डिझेलने सांगून टाकले. 

दीपिका व रणवीर लवकरच संजय लीला भन्साळींच्या ‘पद्मावती’ या चित्रपटात दिसणार आहेत. या जोडीचा आॅनस्क्रीन रोमान्स आणि केमिस्ट्री आपल्याला पाहायला मिळणार आहे. लवकरच दीपिका ‘‘एक्सएक्सएक्स: दी रिटर्न आॅफ जेंडर केज’ ’ हा हॉलिवूडपट प्रदर्शित होतोय.