बाबो! किसिंग सीनदरम्यान हे स्टार्स झाले होते आउट ऑफ कंट्रोल. कट म्हटल्यावरही सुरूच होतं किस

यातील एक किसिंग सीनमुळे दोघांची लव्हस्टोरी जगासमोर आली.

बॉलिवूडमधील पॉवर कपल  दीपिका पादुकोण (Deepika Padukone) आणि रणवीर सिंग (Ranveer Singh) सध्या चर्चेत आहेत. याचे कारण म्हणजे 24 डिसेंबरला रिलीज होणारा रणवीर सिंगचा '83' चित्रपट. या चित्रपटात रणवीर सिंग क्रिकेटर कपिल देव यांची भूमिका साकारत आहे, तर दीपिका कपिल देव यांच्या पत्नीच भूमिका साकारत आहे. विशेष म्हणजे दीपिका आणि रणवीरच्या लग्नानंतर हा पहिलाच चित्रपट आहे ज्यामध्ये हे दोन्ही स्टार एकत्र दिसणार आहेत. पण आज आम्ही तुम्हाला रणवीर आणि दीपिकाच्या किसिंग सीनशी संबंधित एक किस्सा सांगणार आहोत. .

'गोलियों की रासलीला रामलीला'मध्ये पहिल्यांदा एकत्र दिसले
दीपिका पादुकोण  (Deepika Padukone) आणि रणवीर  (Ranveer Singh)2013 मध्ये आलेल्या 'गोलियों की रासलीला रामलीला' या चित्रपटात मोठ्या स्क्रिनवर एकत्र दिसले होते. या चित्रपटापासून दोघांची लव्हस्टोरी सुरू झाली आणि चित्रपट पूर्ण होईपर्यंत दोघेही एकमेकांच्या प्रेमात पडले होते.

या चित्रपटात रणवीर सिंग आणि दीपिका पादुकोणने जबरदस्त किसिंग सीन दिले आहेत. पण तुम्हाला माहित आहे का की यातील एक किसिंग सीनमुळे दोघांची लव्हस्टोरी जगासमोर आली. या चित्रपटाच्या क्रू मेंबरने या गोष्टीचा खुलासा केला होता. क्रू मेंबरने सांगितले - 'अंग लगा दे रे गाण्याचे शूटिंग करताना, डायरेक्टर कट म्हटल्यानंतरही दोघे किस करत राहिले.'

क्रू मेंबर म्हणाले- गाण्यात दोघांचा किसिंग सीन होता. सीन पूर्ण झाल्यानंतर संजय लीला भन्साळी यांनी कट सांगितले. कट म्हटल्यावरही दोघेही एकमेकांना किस करत राहिले. त्यावेळी शूटिंगदरम्यान 50 लोक तिथे उपस्थित होते. या दोघांना किस करताना पाहून सर्वजण आश्चर्यचकित झाले आणि काही वेळ सर्वजण शांत राहिले. दोघांचेही एकमेकांवर प्रेम असल्याची जाणीव त्यावेळी सर्वांना झाली होती.