पहिल्यांदाच 'दीपवीर'च्या लग्नाचा Video आला समोर; चाहत्यांनी केला लाईक्स अन् कमेंट्सचा वर्षाव

कॉफी विद करणच्या आठव्या सिझनमध्ये 'दीपवीर' चा Video दाखवण्यात आला

अभिनेता रणवीर सिंह (Ranveer Singh) आणि अभिनेत्री दीपिका पदुकोण (Deepika Padukone) हे बॉलिवूडमधील मोस्ट रोमँटिक कपल आहे. 'रामलीला' सिनेमाच्या सेटवर यांच्यात प्रेम फुललं आणि पुढे या जोडीने लग्नही केलं. नुकतंच या सुपरहॉट कपलने करण जोहरच्या 'कॉफी विद करण' शोमध्ये हजेरी लावली. दरम्यान शोमध्ये त्यांच्या लग्नाचा व्हिडिओ दाखवण्यात आला जो आजपर्यंत कुठेही प्रसारित झाला नव्हता.

रणवीर-दीपिका यांना चाहत्यांनी 'दीपवीर' हे नाव दिलं आहे. 2018 मध्ये इटली येथे दोघंही लग्नबंधनात अडकले. नंतर त्यांच्या लग्नाचे फोटो सगळीकडे व्हायरल झाले. मात्र आजपर्यंत त्यांच्या लग्नाचा पूर्ण व्हिडिओ कोणी पाहिला नव्हता. आता करणच्या या शोमुळे चाहत्यांना दीपवीरचा वेडिंग व्हिडिओ पाहता आलाय. 

सोशल मीडियावर एका फॅन पेजवर शेअर केलेल्या व्हिडिओत या रॉयल कपलच्या लग्नाचे दृश्य आहेत. अगदी स्वप्नवत वाटावं असं त्यांचं लग्न झालं. मेहंदी, हळद अशा सर्व फंक्शन्सचा हा एकत्रित व्हिडिओ आहे. इतकंच नाही तर रिसेप्शनची यामध्ये झलक बघायला मिळत आहे. इटलीच्या सुंदर लेक कोमोजवळ दोघं लग्नबंधनात अडकतात. लाल लेहेंग्यात दीपिकाचं सौंदर्य खुलून आलेलं दिसतंय तर रणवीर सिंहने पांढरा सदरा घातला आहे. अंतरपाट, सात फेरे असे सर्वच दृष्य कॅप्चर करण्यात आले आहेत. त्यांच्या लग्नाचा व्हिडिओ सध्या सोशल मीडियावर खूपच चर्चेत आहे. 

deepika padukone and ranveer singh are the definition of soulmates i don't make the rules pic.twitter.com/IZvG8NnHkD

— Mahesh Chand (@MCKushwah01) October 26, 2023

हा व्हिडिओ बघून चाहते अक्षरश: वेडे झाले आहेत. रणवीर सिंह आणि दीपिका गेल्या ११ वर्षांपासून एकमेकांना डेट करत आहेत. २०१५ साली मालदीव्ह्ज ला व्हॅकेशनला गेलेले असताना रणवीरने दीपिकाला डायमंड रिंग देत प्रपोज केलं होतं. हे दीपिकासाठी सरप्राईज होतं आणि ती खूप भावूक झाल्याचंही रणवीरने शोमध्ये सांगितलं.