नववर्षासाठी रणवीर सिंगनं पोस्ट केला अजब Video, नेटिझन्स म्हणाले...हा तर सदम्यात! पाहा...

Ranveer Singh Shares Cryptic New Year Video: बॉलीवूड अभिनेता रणवीर सिंगनं इन्स्टाग्रामवर शेअर केलेल्या एका व्हिडिओमुळे सर्वच बुचकळ्यात पडले आहेत. नव्या वर्षाची धमाकेदार सुरुवात झाली आहे. पण रणवीरनं शेअर केलेल्या व्हिडिओनं चाहते गोंधळले आहेत. रणवीरनं हॉलीवूडमधील सुपरहिट चित्रपट फॉरेस्ट गंपचा व्हिडिओ शेअर केला आहे. या व्हिडिओत लेफ्टिनंट डॅन नववर्ष स्वागताच्या पार्टीमध्ये उदास बसून असल्याचं पाहायला मिळत आहे. इतर लोक नववर्षाच्या शुभेच्छा देत असताना डॅनवर मात्र त्याचा काहीच परिणाम झालेला दिसत नाही. तो अतिशय दु:खी असल्याचं या व्हिडिओत दिसत आहेत. रणवीरनं नववर्षाच्या सुरुवातीलाच असा व्हिडिओ शेअर केल्यानं आपल्या सुपरस्टारच्या आयुष्यात सारंकाही आलबेल आहे ना? असा प्रश्न चाहत्यांना पडला आहे. 

रणवीरनं इन्स्टाग्राम अकाऊंटवर जेव्हापासून हा व्हिडिओ शेअर केला आहे तेव्हापासूनच सोशल मीडियावर चाहत्यांची प्रश्नांची मालिकाच सुरू केली आहे. फोरेस्ट गंप सिनेमातील हा सीन मजेशीर असला तरी रणवीर सिंगची एकंदर इमेज फार वेगळी आहे. रणवीर आणि उत्साह हे नातं सर्वांनाच ठावूक आहे. मग नववर्षाच्या सुरुवातीच्या इतक्या चांगल्या दिवशी असा उदास व्हिडिओ शेअर करण्यामागचं कारण काय? असा प्रश्न चाहत्यांना पडला आहे. अनेकांनी रणवीरचा 'सर्कस' सिनेमा फ्लॉप ठरत असल्यानं तो दु:खी झाल्याचं अनेकांनी म्हटलं आहे. तर काहींनी रणवीर नैराश्याचा सामना तर करत नाहीय ना? असाही सवाल काहींनी उपस्थित केला आहे.

View this post on Instagram

A post shared by Ranveer Singh (@ranveersingh)

२०२२ हे वर्ष रणवीर सिंगसाठी खूप निराशाजनक ठरलं आहे. रणवीरचा जयेशभाई जोरदार हा सिनेमा फ्लॉप ठरला. तर सर्कस सिनेमाकडून रणवीर खूप अपेक्षा होती. पण तोही सिनेमा बॉक्स ऑफीसवर जादू करू शकलेला नाही. यात ट्रोलर्स देखील रणवीरचा पाठलाग सोडताना दिसत नाहीत. सर्कस सिनेमा फ्लॉप ठरल्यावरुन रणवीरला ट्रोल केलं जात आहे. रणवीरनं शेअर केलेल्या पोस्टमागे 'सर्कस'चं फ्लॉप होणं हेच कारण मानलं जात आहे.  

सर्कस हा रणवीरता तिसरा सिनेमा आहे की जो फ्लॉप ठरला आहे. ८३ सिनेमानंही बॉक्स ऑफीसवर सरासरी कामगिरी केली होती. रणवीर आता रॉकी और रानी की प्रेम कहानी चित्रपटातून प्रेक्षकांच्या भेटीला येणार आहे. या सिनेमात रणवीरसोबत धर्मेंद्र, जया बच्चन, आलिया भट्ट आणि शबाना आझमी यांच्याही महत्वाच्या भूमिका असणार आहेत. २८ एप्रिल रोजी हा सिनेमा प्रदर्शित होणार आहे.