रणवीर सिंगच्या 'सिम्बा'ची झलक

रोहित शेट्टी दिग्दर्शित बहुचर्चित 'सिम्बा' चित्रपट लवकरच प्रेक्षकांच्या भेटीला येणार आहे. या चित्रपटात रणवीर सिंग आणि सारा अली खान मुख्य भूमिकेत झळकणार आहेत.

ठळक मुद्दे 'सिम्बा' चित्रपटात रणवीर सिंग व सारा अली खान मुख्य भूमिकेत 'सिम्बा' चित्रपट २८ डिसेंबरला होणार प्रदर्शित

रोहित शेट्टी दिग्दर्शित बहुचर्चित 'सिम्बा' चित्रपट लवकरच प्रेक्षकांच्या भेटीला येणार आहे. या चित्रपटात रणवीर सिंग आणि सारा अली खान मुख्य भूमिकेत झळकणार आहेत. सारा आणि रणवीरच्या जोडीची ऑनस्क्रीन केमिस्ट्री पाहायला प्रेक्षक उत्सुक असतानाच या चित्रपटाची एक झलक सोशल मीडियावर शेअर करण्यात आली आहे.

चित्रपट व्यापार विश्लेषक तरण आदर्श यांनी शेअर केलेल्या या व्हिडिओत रणवीर सिंगचा जबरदस्त अंदाज प्रेक्षकांना पाहायला मिळत आहे. यासोबतच चित्रपटातील अॅक्शन सीनचा अंदाजही या व्हिडिओतून येत आहे. रणवीरसोबतच सोनू सूदची झलकही या व्हिडिओमध्ये दिसत आहे.या चित्रपटाची निर्मिती करण जोहर करत असून रोहित शेट्टी याचे दिग्दर्शन करत आहे. या चित्रपटातून सैफ अली खानची मुलगी सारा अली खान बॉलिवूडमध्ये पदार्पण करत आहे. येत्या २८ डिसेंबरमध्ये हा चित्रपट प्रदर्शित होणार असून या जोडीला पडद्यावर एकत्र पाहण्यासाठी चाहतेही उत्सुक आहेत.  

Ranveer Singh - Rohit Shetty... The combo is all set to deliver an action-packed entertainer... Here's a glimpse of #Simmba... Costars Sara Ali Khan and Sonu Sood... 28 Dec 2018 release. pic.twitter.com/iLwTRpyKtN

— taran adarsh (@taran_adarsh) October 24, 2018

'सिम्बा' हा  चित्रपट साऊथच्या 'टेम्पर' या चित्रपटाचा हिंदी रिमेक आहे. टेम्परमध्ये अभिनेत्रीचे काम फक्त प्रेमिकाच्या भूमिकेपर्यंत होते. मात्र 'सिम्बा'मध्ये सारा आणि रणवीरमध्ये एक सुंदर लव्हस्टोरी दाखवण्यात येणार आहे.सिम्बा या चित्रपटात रणवीरपहिल्यांदा पोलिस कर्मचा-याच्या भूमिकेत आहे. पण  ‘सिम्बा’मधील रणवीरच्या लूकची अनिल कपूरच्या लूकशी तुलना केली जात आहे. ‘सिम्बा’मध्ये रणवीरचा लांबलचक मिशी असलेला लूक यापूर्वीही आपण पाहिलाय. १९९४ मध्ये आलेल्या ‘मिस्टर आझाद’ या चित्रपटात अनिल कपूर अशाच लूकमध्ये दिसला होता. यात अनिलही एका पोलिस अधिका-याच्या भूमिकेत होता. ‘मिस्टर आझाद’मधील अनिल आणि ‘सिम्बा’मधील रणवीरचा लूक एकदम मिळताजुळता आहे.