Pushpa 2मधून रश्मिका मंदाना बाहेर?, श्रीवल्लीच्या भूमिकेत दिसणार साऊथची ही प्रसिद्ध अभिनेत्री

Rashmika Mandana : 'पुष्पा: द रुल' चित्रपटात रश्मिका मंदानाच्या जागी दाक्षिणात्य सिनेइंडस्ट्रीतील एका प्रसिद्ध अभिनेत्रीची वर्णी लागल्याचे समजते आहे.

साऊथचा स्टायलिश स्टार अल्लू अर्जुन(Allu Arjun)च्या 'पुष्पा' (Pushpa Movie) चित्रपटाने बॉक्स ऑफिसवर छप्परफाड कमाई केली. पहिला भाग ब्लॉकबस्टर ठरल्यानंतर लवकरच या चित्रपटाचा दुसरा भाग प्रेक्षकांच्या भेटीला येणार आहे. या चित्रपटाच्या सीक्वलची सातत्याने चर्चा ऐकायला मिळते. या चित्रपटाचा पहिला भाग २०२१ मध्ये रिलीज झाला होता. जो ब्लॉकबस्टर ठरला होता. त्याचवेळी, आता या चित्रपटाच्या आगामी भागाबाबत सातत्याने चर्चा ऐकायला मिळत होत्या. नुकत्याच समोर आलेल्या रिपोर्टनुसार, रश्मिका मंदाना(Rashmika Mandana)ला 'पुष्पा २' मधून बाहेरचा रस्ता दाखवण्यात आला आहे. म्हणजेच पुष्पा: द रुल चित्रपटात रश्मिका मंदानाच्या जागी दाक्षिणात्य सिनेइंडस्ट्रीतील एका प्रसिद्ध अभिनेत्रीची वर्णी लागल्याचे समजते आहे.

'पुष्पा'मध्ये अल्लू अर्जुनसोबत अभिनेत्री रश्मिका मंदाना श्रीवल्लीच्या भूमिकेत दिसली होती. अर्जुनसोबत तिचा जबरदस्त रोमान्स होता आणि चाहत्यांना दोघांची केमिस्ट्री चांगलीच भावली होती. त्याचवेळी श्रीवल्लीच्या भूमिकेसाठी रश्मिकाचे कौतुकही झाले होते. पण आता अल्लू अर्जुन चित्रपटात आहे. मात्र रश्मिकाला या चित्रपटातून बाहेरचा रस्ता दाखवण्यात आला असल्याची सध्या चर्चा आहे.

या चित्रपटात रश्मिकाऐवजी साऊथची प्रसिद्ध अभिनेत्री साई पल्लवी दिसणार असल्याचा दावा केला जात आहे. मात्र, या चित्रपटात दोन्ही अभिनेत्री दिसणार असल्याच्याही चर्चा आहे. रश्मिका श्रीवल्लीच्या भूमिकेत असेल आणि साई पल्लवी या चित्रपटात तिच्या वहिनीची म्हणजेच अल्लूच्या बहिणीची भूमिका साकारताना दिसणार आहे. 

मात्र, या सर्व वृत्तांना अद्याप दुजोरा मिळालेला नाही. एवढेच नाही तर साईच्या भूमिकेचे तपशीलही समोर आले आहेत. या चित्रपटात साई पल्लवीची २० मिनिटांची आदिवासी मुलीची भूमिका असणार आहे. पुष्पा २ चित्रपटात अल्लू अर्जुन, साई पल्लवी आणि रश्मिका मंदाना या त्रिकुटांना एकत्र काम करताना पाहणे कमालीचे ठरणार आहे.