GoodBye Box Office Collection: ‘श्रीवल्ली’ साऊथमध्ये हिट, बॉलिवूडमध्ये फ्लॉप..! ‘गुडबाय’ने तीन दिवसांत कमावले फक्त इतके कोटी!!

Goodbye Weekend Box Office: रश्मिका मंदानाच्या नावावर ‘गुडबाय’ हा चित्रपट गर्दी खेचेल, अशी सर्वांनाच अपेक्षा होती. पण झालं भलतंच....

 GoodBye Box Office Collection: अखेर साऊथ सुपरस्टार रश्मिका मंदानाचा ( Rashmika Mandanna) बॉलिवूड डेब्यू झाला. रश्मिका व अमिताभ बच्चन (Amitabh Bachchan ) यांचा ‘गुडबाय’ ( GoodBye) गेल्या शुक्रवारी रिलीज झाला. रश्मिका मंदानाच्या नावावर हा चित्रपट गर्दी खेचेल, अशी सर्वांनाच अपेक्षा होती. पण झालं भलतंच. गेल्या तीन दिवसांत या चित्रपटाची कमाई बघता, हा चित्रपट आपला बजेटही वसूल करू शकेल का? अशी शंका व्यक्त केली जात आहे.
रश्मिका व अमिताभ बच्चन अशी मोठी स्टारकास्ट असूनही हा चित्रपट बॉक्स ऑफिसवर अपयशी ठरताना दिसत आहे. पहिल्या दिवशी संथ सुरुवात करणाऱ्या ‘गुडबाय’चा अद्यापही संथ प्रवास सुरू आहे.  

साऊथमध्ये रश्मिकाचा प्रत्येक चित्रपट बॉक्स ऑफिसवर धमाकेदार कमाई करतो. पण बॉलिवूडमध्ये तिची जादू फिकी पडताना दिसतेय. रिलीजच्या पहिल्या दिवशी रश्मिकाच्या ‘गुडबाय’ उणीपुरी 1.2 कोटींची कमाई केली. दुसऱ्या दिवशी शनिवारी या चित्रपटाने 1.59 कोटी कमावले. रविवारी कमाईत वाढ होईल, असा विश्वास व्यक्त होत असताना रविवारीही हा चित्रपट कमाल दाखवू शकला नाही. रविवारी या चित्रपटाने केवळ 1.50 कोटींचा बिझनेस केला. म्हणजेच तीन दिवसांत या चित्रपटाने एकूण 4.29 कोटींचा बिझनेस केला. 

View this post on Instagram

A post shared by Rashmika Mandanna (@rashmika_mandanna)

‘गुडबाय’चा बजेट 30 ते 40 कोटी आहे. अशात तीन दिवसांच्या कमाईचा आकडा प्रचंड निराशाजनक आहे. हा आकडा बघता, हा चित्रपट बजेटही वसुल करू शकेल की नाही, अशी शंका आहे. खरं तर नॅशनल क्रशचा पहिलाच बॉलिवूड सिनेमा असल्यामुळे तिचे चाहते तिच्या बॉलिवूड पदार्पणासाठी खूप उत्साही होते. मात्र पहिल्या सिनेमामध्ये तिची जादू जास्त चालली नसल्यामुळे चाहत्यांमध्ये काही प्रमाणात निराश निर्माण झाली आहे.

अमिताभ आणि रश्मिका व्यतिरिक्त या चित्रपटात नीना गुप्ता, सुनील ग्रोवर आणि पावियल गुलाटी यांच्या महत्त्वपूर्ण भूमिका आहेत. गुडबाय हा एक फॅमिली ड्रामा आहे.