VIDEO : ‘सामी सामी’वर थिरकरणाऱ्या चिमुकलीची रश्मिका मंदानाही झाली फॅन; म्हणाली, क्युटी तू... 

Rashmika Mandanna : रश्मिकाला वेड लावणारा हा 31 सेकंदाचा हा व्हिडीओ तुम्हालाही लावेल वेड, पुन्हा पुन्हा बघाल...!

अल्लू अर्जुन (Allu Arjun) आणि रश्मिका मंदानाच्या (Rashmika Mandanna) ‘पुष्पा’ ( Pushpa) हा सिनेमा तुफान गाजला. चित्रपटाच्या डायलॉग्सपासून गाण्यांपर्यंत अक्षरश: धुमाकूळ घातला. अद्यापही या गाण्यांची आणि डायलॉग्सची क्रेझ पाहायला मिळतेय. सध्या या चित्रपटातील ‘सामी सामी’ ( Sami Sami )गाण्यावर एका चिमुकलीने केलेल्या डान्सचा व्हिडीओ तुफान व्हायरल होतोय. अगदी रश्मिकाही या चिमुकलीचा डान्स पाहून थक्क झाली. ती सुद्धा या चिमुकलीवर फिदा झाली. इतकी की, तिने तिला भेटायची इच्छा व्यक्त केली आहे.
 व्हायरल व्हिडीओ 31 सेकंदाचा आहे. पण या 31 सेकंदात चिमुकलीनं सर्वांची मनं जिंकली आहेत. व्हिडीओत एक शाळेच्या गणवेशातील गोलमटोल मुलगी सामी सामी गाण्यावर बेधुंद थिरकताना दिसते. तिच्या मागे तिचे दोस्त मंडळीही थिरकत आहेत.  तिचे हावभाव आणि डान्स स्टेप्स वेड लावणाऱ्या आहेत.  रश्मिकांना तर हा डान्स व्हिडीओ पाहून ठार वेडी झाली आहे. विशेषत: त्या चिमुकलीची ती फॅन झाली आहे. 

Maaaaadddddeeeeee myyyyy daaaaaay.. I want to meet this cutie..💘
how can I? 🥹 https://t.co/RxJXWzPlsK

— Rashmika Mandanna (@iamRashmika) September 14, 2022

‘हिच्यामुळे माझा दिवस छान गेला. कोण आहे ही चिमुकली? मला तिला भेटायचं आहे,’अशा आशयाची कॅप्शन देत रश्मिकाने हा व्हिडीओ शेअर केला आहे. 

हा व्हिडीओ आतापर्यंत 20 लाखांवर लोकांनी पाहिला आहे. 1 लाखांवर लोकांनी यावर मजेशीर कमेंट देखील केल्या आहेत. काहींनी हा व्हिडीओ नेपाळच्या एका शाळेच्या कार्यक्रमातील असल्याचं म्हटलं आहे. काहींनी व्हिडीओतील चिमुकलीला छोटी रश्मिका म्हणत तिचं कौतुक केलं आहे.  एकंदर काय तर 31 सेकंदांच्या व्हिडीओने त्या चिमुकलीला रातोरात स्टार केलं आहे. तेजा नावाच्या हँडलवरून तिचा हा व्हिडीओ शेअर करण्यात आला होता. या व्हिडीओत रश्मिकालाही टॅग करण्यात आलं होतं.