'बसमध्ये माझी छेड काढली अन् मग..,' शारीरिक शोषणाबाबत बॉलिवूड अभिनेत्रीने केला होता खळबळजनक खुलासा

अभिनेत्रीने स्वतःबद्दल काही धक्कादायक खुलासे केले होते. हे खुलासे ऐकून तिच्या चाहत्यांनाहीच धक्का बसला होता.

Raveena Tabdon On Eveteasing:बॉलिवूड अभिनेत्री रवीना टंडन तिच्या स्पष्टवक्ते आणि शांत स्वभावासाठी ओळखली जाते. रवीना बेधडकपणे अनेक मुद्द्यांवर आपले मत व्यक्त करते. रवीना चित्रपटांमध्ये तसेच सोशल मीडियावर खूप सक्रिय आहे आणि दररोज तिचे फोटो आणि व्हिडिओ येथे शेअर करते. नुकतेच रवीनाने स्वतःबद्दल काही धक्कादायक खुलासे केले होते. हे खुलासे ऐकून तिच्या चाहत्यांनाही धक्का बसला होता.  रवीनाने सांगितले की, 'ती अनेक अनोळखी व्यक्तींकडून विनयभंगाची शिकार झाली आहे. 

रवीनाने आरे मेट्रो 3 कारशेडला विरोध केला होता. त्यानंतर एका यूजरने रवीना टंडनला मुंबईच्या मध्यमवर्गीयांच्या संघर्षाबद्दल विचारले तेव्हा रवीनाला तिचे किशोरवयीन दिवस आठवले. आपले दु:ख व्यक्त करताना तिने ट्विट केले होते की, 'किशोरवयात लोकल ट्रेन आणि बसने प्रवास केला. छेडछाड, विनयभंग आणि  माझ्यासोबत जे काही घडले ते बहुतेक महिलांना जाणवते. मी पहिली कार 1992 मध्ये खरेदी केली. विकासासाठी आपले स्वागतच आहे. परंतु, केवळ एका प्रकल्पासाठी आपण जबाबदार नाही, तर पर्यावरण/वन्यजीवांचे संरक्षण करण्याऐवजी आपण तोडत असलेल्या सर्व जंगलांसाठी आपण जबाबदार असले पाहिजे.' 

यावर दुसऱ्या युजरने रवीना टंडनला विचारले की, 'ती मेट्रोच्या विरोधात असलेल्या लोकल ट्रेनमध्ये शेवटचा प्रवास कधी केला? यावर रवीनाने पुन्हा एकदा तिच्यासोबत झालेल्या शारीरिक शोषणाचा खुलासा केला. खरं तर, रवीना टंडन निसर्गप्रेमी आहे. ती नेहमीच पर्यावरणासाठी आवाज उठवताना दिसते.