Agnipath Scheme: रवी किशन यांच्या लेकीची ‘अग्निपथ’मध्ये भरती होण्याची इच्छा, लोक म्हणाले...

Agnipath Scheme, Ravi Kishan : सध्या ‘अग्निपथ’वरून देशातलं वातावरण चांगलंच तापलं आहे. अशात भोजपुरी स्टार व भाजपा नेते रवी किशन यांची लेक इशिता शुक्ला हिने ‘अग्निपथ’ योजनेत सामील होण्याची इच्छा व्यक्त केली आहे.

केंद्र सरकारने लष्कर, नौदल आणि वायुदलातील सैनिक भरतीसाठी ‘अग्निपथ’ (Agnipath Scheme) नावाची योजना आणली आहे. या योजनेंतर्गत युवकांना संरक्षण दलांत चार वर्षे ‘अग्निवीर’ म्हणून सेवा करण्याची संधी मिळणार आहे. पण सध्या ‘अग्निपथ’वरून देशातलं वातावरण चांगलंच तापलं आहे. केंद्राच्या योजनेला देशातील वेगवेगळ्या भागातून विरोध होत आहे. बिहार व अन्य राज्यांत या योजनेविरोधात जोरदार निदर्शने केली जात असून काही ठिकाणी जाळपोळीच्या घटना घडल्या आहेत. अशात भोजपुरी स्टार व भाजपा नेते रवी किशन (Ravi Kishan ) यांची लेक इशिता शुक्ला हिने ‘अग्निपथ’ योजनेत सामील होण्याची इच्छा व्यक्त केली आहे. विशेष म्हणजे, इशितच्या बाबांनी अर्थात रवी किशन यांनी ‘गो अहेड’ म्हणत तिला लगेच परवानगी सुद्धा दिली आहे. रवी किशन यांनी याबद्दलची एक पोस्ट शेअर केली. आता त्यांच्या पोस्टवर नेटकरी रिअ‍ॅक्ट करणार नसतील तर नवल! रवी किशन यांच्या या पोस्टवर नेटकऱ्यांनी एकापेक्षा एक कमेंट्स केल्यात. 

मेरी बिटिया ईशिता शुक्ला ,आज सुबह बोली पापा I wanna b in #AgnipathRecruitmentScheme I said go ahead beta 🇮🇳 pic.twitter.com/BkxoOB81QQ

— Ravi Kishan (@ravikishann) June 15, 2022

‘अग्निपथ’ योजनेला पाठींबा दर्शवत रवी किशन यांनी मुलीचा एनसीसी ड्रेसमधला एक फोटो पोस्ट केला. ‘बाबा, मला अग्निपथ योजनेत भरती व्हायचं आहे, असं आज सकाळी माझी मुलगी इशिता शुक्ला मला म्हणाली. यावर, बिल्कुल... आगे बढो...,असं मी तिला म्हणालो,’असं त्यांनी या फोटोसोबत लिहिलं.

आप की बेटी #AgnipathRecruitmentScheme से देश सेवा करना चाहती है अच्छी बात है ,पर आप की बेटी 4 साल बाद बेरोज़गार नहीं होगी उसके लिए राजनीति के दरवाजे खुले होगे और वो विधायक सासंद बन जाएगी, पर एक आम बच्चा 4 साल बाद बेरोज़गार हो जायेगा। और दर दर की ठोकरे खाता फिरेगा ।

— Ravindra R. (@rabbee_r) June 16, 2022

बिटिया को retirement की चिंता नहीं है
बाप के पास बहुत पैसा है

— Asif kamaal (@Asifkamaal9) June 16, 2022

हम भी इंतजार करेंगें ईशिता शुक्ला का अग्निपथ में चयनित होने का ! एक ट्वीट तब भी कर दीजिएगा जब ईशिता ट्रेनिंग में होगी। देखते है आप मे एक गरीब पिता के जितना कालेज है कि नही जो आप अपनी बेटी को अग्निपथ में जाने देते हो या गरीब को बदनाम कर रहे हो !

— YOGENDRA YADAV (@YOGENDR73206393) June 15, 2022

रवी किशन यांच्या पोस्टवर नेटकऱ्यांच्या कमेंट्स
रवी किशन यांच्या या पोस्टवर नेटकऱ्यांनी लगेच रिअ‍ॅक्ट केलं. त्यांच्या या पोस्टवर युजर्सनी वेगवेगळ्या प्रतिक्रिया दिल्या. ‘बिटिया को रिटायरमेंट की चिंता नहीं है, बाप के पास बहुत पैसा है,’ अशी कमेंट एका युजरने केली. ‘थोड्याच दिवसांत कळेल की पापा की परी विदेशात शिकायला गेली. कारण 99 टक्के नेत्यांची मुलं विदेशात शिकत आहेत. मग पापाची ही परी मागे का राहिल?,’ अशी कमेंट अन्य एका युजरने केली आहे.