​या कारणामुळे जुही चावलासोबत करत नाही सलमान खान काम

सलमान खान आज बॉलिवूडमधील सुपरस्टार आहे. त्याच्यासोबत काम कऱण्यासाठी अनेक नायिक, नायिका उत्सुक असतात. सलमान गेली अनेक वर्षं बॉलिवूडमध्ये ...

स�

��मान खान आज बॉलिवूडमधील सुपरस्टार आहे. त्याच्यासोबत काम कऱण्यासाठी अनेक नायिक, नायिका उत्सुक असतात. सलमान गेली अनेक वर्षं बॉलिवूडमध्ये काम करत आहे. या वर्षांत त्याने एकाहून एक हिट चित्रपट दिले आहेत. त्याने माधुरी दीक्षित, करिश्मा कपूर, करिना कपूर, प्रियांका चोप्रा यांसारख्या अनेक प्रसिद्ध अभिनेत्रींसोबत काम केले आहे. पण तुम्हाला माहीत आहे का आजवर जुही चावला आणि सलमान यांना कधीच नायक-नायिकेच्या भूमिकेत प्रेक्षकांना पाहायला मिळालेले नाहीये. जुही चावलाच्या दीवाना मस्ताना या चित्रपटात सलमान पाहुण्या कलाकाराच्या भूमिकेत झळकला होता. या चित्रपटातील सलमानची भूमिका ही केवळ काही मिनिटांचीच होती. पण हा चित्रपट वगळता आजवर जुही चावला आणि सलमान यांनी कधीच एकत्र काम केले नाही. जुही आणि सलमान यांनी एकत्र काम न करण्यामागे एक खास कारण आहे.
सलमान खान इंडस्ट्रीत येण्याआधीच जुही इंडस्ट्रीत आली होती. जुहीने तिच्या कारकिर्दीच्या सुरुवातीपासूनच हिट चित्रपट द्यायला सुरुवात केली होती. जुही ही खूप चांगली अभिनेत्री असल्याने तिच्यासोबत एखादा चित्रपट करावा अशी सलमानची इच्छा होती. पण नव्वदीच्या दशकात सलमान आजसारखे हिट चित्रपट देत नव्हता. त्याचे अनेक चित्रपट फ्लॉप होत होते. त्यामुळे अनेक दिग्दर्शक- निर्माते त्याच्यासोबत काम करण्यास उत्सुक नव्हते. पण त्यातही काही फिल्ममेकरनी सलमानवर विश्वास ठेवून त्याला आपल्या चित्रपटासाठी साइन केले होते. त्याकाळात जुही ही प्रसिद्ध अभिनेत्री होती. एका फिल्ममेकरने जुहीला एका चित्रपटाची ऑफर दिली होती आणि त्या चित्रपटात सलमान खान तिचा नायक असेल असे तिला सांगितले होते. पण त्या फिल्ममेकरची ऑफर जुहीने नाकारली होती. त्या चित्रपटात सलमान ऐवजी आमिर खानला घेतल्यास मी या चित्रपटात काम करेन असे तिने त्या निर्मात्याला सांगितले होते. सलमानला ही गोष्ट कळल्यानंतर त्याला खूप वाईट वाटले होते. पण त्याने तेव्हा गप्पा राहाणेच पसंत केले. काहीच वर्षांत सलमानची वेळ बदलली आणि तो बॉलिवूडचा सुपरस्टार झाला. त्यानंतर सलमानसोबत काम करण्याची इच्छा जुहीने अनेकवेळा व्यक्त केली होती. पण जुहीने फार पूर्वी दिलेल्या नकारामुळे सलमानने तिच्यासोबत काम न करणेच पसंत केले. 

Also Read : ​जाणून घ्या कसे दिसते सलमान खानचे गॅलॅक्सी अपार्टमेंटमधील वन बीएचके घर