"पियाँ बसंती रे" गाण्यातील अभिनेत्री 19 वर्षानंतर आली समोर, इतके वर्ष होती प्रसिद्धीपासून लांब

आपलं सौंदर्य आणि निरागस चेहरा यामुळे नौहीद अनेकांची  क्रशही होती. 2003 मध्ये नौहीदने बॉलिवूडमध्ये पदार्पण केले होते.

अशा अनेक अभिनेत्री आहे ज्या प्रसिद्धीझोतात असताना लग्नानंतर अचानक संसारात रमल्या आणि ग्लॅमर दुनियेपासून लांब  गेल्या. ही यादी खूप मोठी आहे. अशीच एक अभिनेत्री अचनाक चर्चेत आली आहे. 90 च्या दशकातीला ही अभिनेत्री ''पियाँ  बसंती रे' या गाण्यातून अमाप लोकप्रियता मिळवली. नौहीद सेरूरी असे तिचे नाव. नौहीदवर चित्रीत झालेले गाणे आजही विसरलेले नसावेत. त्यावेळी हे गाणे तुफान गाजले होते. याच गाण्यामुळे नौहीद रातोरात स्टार बनली होती, अनेकांची दिलों की धडकन बनली होती. आपलं सौंदर्य आणि निरागस चेहरा यामुळे नौहीद अनेकांची  क्रशही होती. 2003 मध्ये नौहीदने बॉलिवूडमध्ये पदार्पण केले होते.

उदय चोप्रासह तिने स्क्रीन शेअर केले होते. या सिनेमातील तिच्या भूमिकेचेही विशेष कौतुक झाले. त्यानंतर विक्रम भट्टच्या 'इंतेहा' सिनेमातही ती झळकली मात्र सिनेमाला फार काही यश मिळाले नाही. त्यानंतर पुन्हा एकदा नौहीद ''मौला मेरे मौला'' या गाण्यातून रसिकांच्या भेटीला आली . या गाण्यालाही रसिकांनी भरभरून पसंती दर्शवली होती.  अचानक प्रसिद्धीझोतात असताना नौहीदने एक निर्णय घेतला.

करिअरला ब्रेक लावत ती बॉयफ्रेंड रूसतमसह लग्नबंधनात अडकली आणि संसारात रमली. संसारात रमल्यामुळे नौहीद ग्लॅमर दुनियेपासून लांब गेली. गेल्याच वर्षी सलमान खानच्या 'जय हो' सिनेमातही ती झळकली होती. प्रसिद्धीपासून लांब असलेली नौहीद आताअचानक चर्चेत आली आहे. यासाठी कारणीभूत ठरले तिचे हे खास फोटो.  तिने आपले  ग्लॅमरस फोटो शेअर करत सा-यांचे लक्ष वेधून घेतले आहे. नौहीद 19 वर्षानंतरही तितकीच सुंदर दिसते.  तिच्या या फोटोंना पाहून नेटीझन्सही पुन्हा तिच्या सौंदर्यांच्या प्रेमात पडल्याचे पाहायला मिळत आहे. भरभरून तिच्या फोटोंवर कमेंट्स आणि लाईक्सचा वर्षाव करत आहेत. तिने पुन्हा एकदा सिनेमात काम करण्यास सुरूवात करावी अशी इच्छा तिचे चाहते व्यक्त करताना पाहायला मिळत आहे.