सुशांतच्या मृत्यूनंतर चार वर्षांनी रिया चक्रवर्तीच्या आयुष्यात एका नव्या अध्यायाला सुरूवात, पोस्ट करत म्हणाली..

 सुशांतच्या आत्महत्या प्रकरणात रिया चांगलीच अडकली होती.

दिवंगत बॉलिवूड अभिनेता सुशांत सिंह राजपूत (sushant singh rajput) याच्या आत्महत्येनंतर सर्वाधिक चर्चेत राहिलेलं नाव म्हणजे रिया चक्रवर्ती (rhea chakraborty).  सुशांतच्या आत्महत्या प्रकरणात रिया चांगलीच अडकली होती. परिणामी, तिला तुरुंगातही जावं लागलं. अलिकडेच रियाने एक पोस्ट केली आहे. या पोस्टने सर्वांचे लक्ष वेधून घेतलं आहे. 

सुशांत सिंह राजपूत याचे १४ जून २०२० रोजी  निधन झाले. मुंबईतील बांद्रा येथील निवासस्थानी त्याने गळफास घेत आत्महत्या केली होती.  सुशांतच्या मृत्यूला येत्या १४ जूनला चार वर्ष होतील. आता सुशांतच्या पुण्यतिथीच्या काही दिवस आधी रिया चक्रवर्तीने तिच्या सोशल मीडियावर एक पोस्ट केली आहे. या पोस्टमध्ये तिने काही खास  फोटो शेअर केले आहेत. 

सोशल मीडिया हँडल इन्स्टाग्रामवर शेअर केलेल्या फोटोंमध्ये रिया लाल आणि पांढऱ्या रंगाच्या बॅकलेस ड्रेसमध्ये पोज देताना दिसत आहे. तर एका एका फोटोमध्ये रिया सूर्यास्ताचा आनंद लुटताना दिसत आहे. याचबरोबर तिनं एक ब्लॅक अँड व्हाइट फोटो शेअर केला आहे. या फोटोंना दिलेल्या कॅप्शनमध्ये रियाने, 'Chapter 2' असं लिहलं आहे. 

सुशांत सिंह राजपूत आणि रिया चक्रवर्ती एकमेकांना डेट करत होते. सुशांतच्या मृत्यूनंतर एनसीबीने रिया आणि तिचा भाऊ शौविकला अटक केली होती. सुशांत सिंह आत्महत्या प्रकरणी रियावर गंभीर आरोप लावण्यात आले होते. सुशांतसिंह राजपूतच्या कुटुंबीयांनी रियावर आरोप केले होते. कुटुंबीयांनी ड्रग्सचा दावा केल्याने रियालाही अनेक दिवस तुरुंगात राहावे लागले. यामुळे अभिनेत्रीला बराच काळ कामापासून दूर राहावे लागले होते. जवळपास महिनाभर तुरुंगात राहिल्यानंतर दोघांची जामिनावर सुटका झाली.