​रणबीर कपूरच्या ‘फ्लॉप’ सिनेमांमुळे संतापले ऋषी कपूर ! ‘या’ दोन दिग्दर्शकांची केली माकडांशी तुलना!!

ब�

��लिवूडमध्ये अनेक लोक आपल्या सीनिअर असण्याचा अगदी वाट्टेल तसा फायदा घेतात. ऋषी कपूर हे त्यापैकीच एक. आपल्या बेधडक वक्तव्यासाठी ओळखले जाणारे ऋषी कपूर कधी काय बोलतील, सांगता यायचे नाही. सोशल मीडियावर कुठल्या मुद्यावर ते कसे रिअ‍ॅक्ट होतील,याचाही अंदाज बांधता यायचा नाही. आत्ता तर त्यांनी पुरती मर्यादा लांघली, असेच म्हणता येईल. होय, मुलगा रणबीर कपूर बॉक्स आॅफिसवर फ्लॉप होतोय, हे पचवणे ऋषी कपूर यांना कदाचित जड जातेय आणि कदाचित त्यामुळेच याचे सगळे खापर त्यांनी दिग्दर्शकांच्या डोक्यावर फोडले आहे. केवळ इतकेच नाही तर अनुराग बसू व अनुराग कश्यप यांना त्यांनी ‘बंदर’ संबोधले आहे.



ALSO READ : आर. के. स्टुडिओ अग्निकांडानंतर ऋषी कपूर भावूक ; सगळ्या आठवणी नष्ट झाल्या, मला अजूनही विश्वास बसत नाहीयं!

अनुराग कश्यप यांच्या ‘बॉम्बे वेल्वेट’ आणि अनुराग बासूच्या ‘जग्गा जासूस’मध्ये रणबीर कपूर लीड रोलमध्ये होता. या दोन्ही चित्रपटांकडून रणबीरला खूप अपेक्षा होत्या. पण हे दोन्ही चित्रपट दणकून आपटले अन् रणबीरची पुरती निराशा झाली. कदाचित ऋषी कपूर यांचीही. अलीकडे नेहा धूपियाच्या ‘नो फिल्टर नेहा’ या शोमध्ये ऋषी कपूर आले आणि या निराशेपोटी अनुराग बासू व अनुराग कश्यप यांना नाही नाही ते बोलून गेलेत.  ६० सेकंद अनुरागवर बोला, असे नेहा ऋषी कपूर यांना म्हणाली. यावर, हा अनुराग कोण? अशी सुरवात करत, ऋषी कपूर यांनी आपल्या मनातली सगळी भडास काढली. अनुराग बासू व अनुराग कश्यप या दोघांच्याही हातात बिग बजेट चित्रपट सोपवणे म्हणजे, माकडाच्या हातात खेळणे देण्यासारखे आहे. माकडाच्या हातात खेळणे दिले की तो वेडे होतात. अनुराग कश्यव अनुराग बासू यांच्याबाबतही हेच घडले. या दोघांनाही लहान बजेटचे चित्रपट बनवण्याची सवय आहे. त्यामुळे मोठे बजेट मिळाल्यावर ते सांभाळू शकले नाहीत, असे ऋषी कपूर यावेळी म्हणाले. 
आता ऋषी कपूर यांच्या या वक्तव्यावर अनुराग बासू व अनुराग कश्यप कसे रिअ‍ॅक्ट होतात, ते बघूच. तोपर्यंत प्रतीक्षा !