बाबा आई आली...! रितेश देशमुखचा हा फनी व्हिडीओ एकदा पाहाच

रितेशने शेअर केलेला हा व्हिडीओ इतका मजेशीर आहे की, तुम्हालाही हसू आवरणार नाही.

ठळक मुद्देबॉलिवूड अभिनेता रितेश देशमुख आणि जेनेलिया दोघेही  सोशल मीडियावर प्रचंड अ‍ॅक्टिव्ह आहेत.

अभिनेता रितेश देशमुखचा  (Riteish Deshmukh) एक व्हिडीओ नेहमीप्रमाणे तुफान व्हायरल होतोय. रितेशने शेअर केलेला हा व्हिडीओ इतका मजेशीर आहे की, तुम्हालाही हसू आवरणार नाही. या व्हिडीओत रितेशसोबत त्याची दोन्ही मुलंही सोबत आहेत.
व्हिडिओत एक भरधाव गाडी  समोरच्या गाडीला जोरात येऊन धडकते. रितेशची मुलं खिडकीतून हे बघत असतात. धडक देणारी गाडी आपल्याच आईची, हे पोरं बरोबर ओळखतात आणि बाबा, आली आई असं रितेशला ओरडून सांगतात. ती तुझी गाडी घेऊन गेली होती, हे सांगायलाही मुलं विसरत नाही. ते ऐकून रितेशची अवस्था काय होते, हे व्हिडीओत एकदा बघाच.  

View this post on Instagram

A post shared by Riteish Deshmukh (@riteishd)

सोशल मीडियावर सध्या हा व्हिडिओ फारच व्हायरल होत आहे.  या व्हिडीओवर अनेक सेलिब्रिटींनीही कमेंट्स केल्या आहेत. अमृता खानविलकर, शरद केळकर, मयुरी देशमुख, सुनिल शेट्टी यांनी हसरे इमोजी लिहीत कमेंट्स केल्या आहेत. तीन तासांत  3 लाखांवर लोकांनी या व्हिडीओला लाईक केले आहे. कमेंट्सचा तर महापूर आला आहे.
बॉलिवूड अभिनेता रितेश देशमुख आणि जेनेलिया दोघेही  सोशल मीडियावर प्रचंड अ‍ॅक्टिव्ह आहेत. पर्सनल, प्रोफेशनल लाईफच्या अपडेट्ससोबतच दोघेही आपल्या चाहत्यांसाठी फनी रिल्स शेअर करत असतात. त्यांच्या प्रत्येक फनी रीलवर चाहते भरभरून कमेंट्स आणि लाईक्स करतात.हिंदी चित्रपटसृष्टीतील क्युट कपल म्हणून रितेश  आणि जेनेलिया  या जोडीकडे पाहिले जाते. तुझे मेरी कसम या सिनेमातून दोघांनी बॉलिवूडमध्ये पहिले पाऊल ठेवले आणि याच सिनेमातून दोघं आयुष्यभराचे जोडीदार बनले.