‘रॉकी और रानी की प्रेम कहानी’, करण जोहरच्या चित्रपटाने पहिल्या दिवशी कमावले ‘इतके’ कोटी
By ऑनलाइन लोकमत | Published: July 29, 2023 01:00 PM2023-07-29T13:00:36+5:302023-07-29T13:01:01+5:30
Rocky Aur Rani Ki Prem Kahani Box Office Collection : आलिया भट्ट आणि रणवीर सिंहच्या चित्रपटाचे पहिल्या दिवसाचे बॉक्स ऑफिस कलेक्शन समोर
‘रॉकी और रानी की प्रेम कहानी’, करण जोहरच्या चित्रपटाने पहिल्या दिवशी कमावले ‘इतके’ कोटी
Next बॉलिवूडमधील बहुचर्चित आणि बहुप्रतीक्षीत ‘रॉकी और रानी की प्रेम कहानी’ हा चित्रपट २८ जुलैला प्रदर्शित झाला. करण जोहरने दिग्दर्शन केलेला आणि आलिया भट्ट, रणवीर सिंह मुख्य भूमिकेत असलेल्या या चित्रपटाच्या प्रतिक्षेत प्रेक्षक होते. या चित्रपटाच्या ट्रेलरलाही तुफान प्रतिसाद मिळाला. यातील गाणीही प्रेक्षकांच्या पसंतीस उतरल्याचं चित्र होतं. आता चित्रपटाचे पहिल्या दिवसाचे बॉक्स ऑफिसवरील आकडे समोर आले आहेत.
‘रॉकी और रानी की प्रेम कहानी’ चित्रपटातून करण जोहरने तब्बल सात वर्षांनी दिग्दर्शनात कमबॅक केलं आहे. त्यामुळे त्याच्या या चित्रपटाकडून चाहत्यांनाही अपेक्षा होत्या. पहिल्या दिवशी ‘रॉकी और रानी की प्रेमकहानी’ पाहण्यासाठी प्रेक्षकांनी चित्रपटगृहात गर्दी केल्याचं चित्र होतं. ओपेनहायमर, बार्बी असे तगडे हॉलिवूड चित्रपट असतानाही करण जोहरच्या 'रॉकी और रानी की प्रेम कहानी' चित्रपटाने प्रदर्शनाच्या दिवशी चांगली कमाई केल्याचं चित्र आहे.
ट्रेंड अनालिस्ट तरण आदर्श यांनी ‘रॉकी और रानी की प्रेम कहानी’च्या पहिल्या दिवसाचे बॉक्स ऑफिस कलेक्शन शेअर केलं आहे. यानुसार, करण जोहरच्या चित्रपटाने प्रदर्शनाच्या दिवशी ११.१० कोटींची कमाई केली आहे. आता पहिल्या वीकेंडला हा चित्रपट बॉक्स ऑफिसवर जादू दाखवतो, हे पाहणं औत्सुक्याचं असणार आहे.
#RockyAurRaniKiiPremKahaani hits double digits on Day 1… Day 1 biz is clearly lopsided… The contribution from major centres [mainly multiplexes] is good, but Tier 2 and Tier 3 centres did not perform to optimum capacity… Fri ₹ 11.10 cr. #India biz.#RRKPK needs to witness… pic.twitter.com/0YESqdpQt9
— taran adarsh (@taran_adarsh) July 29, 2023
आजीबाई Rocks! १०५ वर्षीय आजींनी सिनेमागृहात जाऊन पाहिला ‘बाईपण भारी देवा’, म्हणाल्या...
‘रॉकी और रानी की प्रेम कहानी’ चित्रपटांत आलिया भट्ट आणि रणवीर सिंहसह धर्मेंद्र, शबाना आझमी, जया बच्चन या कलाकारांच्या मुख्य भूमिका आहेत. याबरोबरच प्रसिद्ध मराठी अभिनेत्री क्षिती जोग या चित्रपटात झळकली आहे.