‘RRR’मध्ये अजय देवगणच्या मुलाची भूमिका साकारणाऱ्या या चिमुरड्याला ओळखलंत का?

RRR MOVIE : एस. एस. राजमौलींचा ‘आरआरआर’ हा सिनेमा बॉक्स ऑफिसवर धुमाकूळ घालतोय. रामचरण, ज्युनिअर एनटीआर, अजय देवगण, आलिया भट यांच्या अभिनयाचं प्रचंड कौतुक होतंय. चित्रपटातील एका बालकलाकारावरही कौतुकाचा वर्षाव होतोय.

एस. एस. राजमौलींचा ‘आरआरआर’ (RRR) हा सिनेमा बॉक्स ऑफिसवर धुमाकूळ घालतोय. रामचरण  (Ram Charan), ज्युनिअर एनटीआर, अजय देवगण, आलिया भट यांच्या अभिनयाचं प्रचंड कौतुक होतंय. चित्रपटातील एका बालकलाकाराच्या कामावरही कौतुकाचा वर्षाव होतोय. होय, रामचरणच्या बालपणीची भूमिका साकारणाऱ्या या चिमुरड्यानं सगळ्यांचीच मनं जिंकली आहेत. या चिमुरड्याचं नाव आहे वरूण बुद्धदेव. (Varun Budhdev RRR actor) 

चित्रपटात अजय देवगणच्या मुलाची भूमिका साकारणारा वरूण बुद्धदेव 16 वर्षांचा आहे. चित्रपटात दणादण गोळ्या चालवणाºया या चिमुकल्याचा निशाणा इतका अचूक असतो की त्याचे वडील (अजय देवगण) देखील पाहून आश्चर्यचकित होतात.   त्यांना मुलाचा अभिमानही वाटतो. त्यांनतर शत्रूंचा एक जमाव गावावर हल्ला करतो, ज्यामध्ये या निष्पाप मुलाची आई आणि लहान भाऊ मारले जातात. नंतर अजय देवगन त्याला आपली बंदूक देतो आणि त्याला गोळी घालायला सांगतो. 

वरुण 16  वर्षांच्या वरूणने ही भूमिका साकारली आहे. आरआरआर’ आधी त्याने अनेक चित्रपटात काम केलं आहे.  ‘टोलिदास ज्युनियर’ या चित्रपटात त्याने उपमची भूमिकाही केली होती.  

वरुणने वयाच्या 8 व्या वर्षी एका टीव्ही जाहिरातीतून आपल्या अभिनय कारकिर्दीला सुरुवात केली होती. यानंतर अनेक टीव्ही मालिका, चित्रपट आणि वेब सीरिजमध्ये त्याला संधी मिळाली. आत्तापर्यंत 100 पेक्षा अधिक जाहिरातील, 8 पेक्षा अधिक चित्रपट आणि 10 पेक्षा अधिक मालिकांमध्ये त्याने काम केलं आहे. लवकरच तो अक्षय कुमारच्या ‘पृथ्वीराज’ या आगामी सिनेमातही दिसणार आहे.   2021 मध्ये वरुणने एका म्युझिक व्हिडिओमध्येही मुख्य भूमिका साकारली होती.  
वरूण सोशल मीडियावरही प्रचंड अ‍ॅक्टिव्ह आहेत. इन्स्टाग्रामवर त्याचे 1 लाख 36 हजारांवर फॉलोअर्स आहेत.