Rudra Trailer: अजय देवगण 'रुद्र द एज ऑफ डार्कनेस'चा नवा ट्रेलर रिलीज, दमदार अंदाजात दिसला अभिनेता

Rudra: 'रुद्र' सीरिजच्या नवीन ट्रेलरमध्ये तुम्हाला अजय देवगण जबरदस्त अॅक्शन आणि तोडफोड करताना दिसत आहे.

बॉलिवूडचा सिंघम अजय देवगण (Ajay Devgan) त्याच्या ओटीटी पदार्पणाची तयारी करत आहे. अजय देवगन त्याच्या 'रुद्र: द एज ऑफ डार्कनेस' (Rudra The Edge Of Darkness) या सीरिजद्वारे डिजिटल माध्यमात अधिराज्य गाजवण्यासाठी सज्ज झासा आहे. या सीरिजचा नवा ट्रेलर रिलीज झाला आहे. अजय देवगण ट्रेलरमध्ये जबरदस्त अवतारात दिसत आहे. या मालिकेत अजय देवगण रुद्रवीर सिंग उर्फ ​​रुद्रची भूमिका साकारताना दिसणार असून तो एका पोलिसाच्या भूमिकेत दिसणार आहे.

'रुद्र' सीरिजच्या नवीन ट्रेलरमध्ये तुम्हाला अजय देवगण जबरदस्त अॅक्शन आणि तोडफोड करताना दिसत आहे. ट्रेलरमध्ये अभिनेत्री राशी खन्ना अजय देवगणसोबत माइंड गेम्स खेळताना दिसत आहे. तसेच, अजय एका गुन्हेगाराच्या शोधात आहे. या गुन्हेगाराच्या शोधात अजयला अनेक गोष्टी पाहायला मिळत असून अनेकांना आपला जीवही गमवावा लागला आहे. यासोबतच त्याच्या वैयक्तिक आयुष्यातील अडचणीही वाढत आहेत. 

अजय देवगणची 'रुद्र: द एज ऑफ डार्कनेस' ही मालिका ब्रिटिश टीव्ही ड्रामा 'ल्यूथर'वर आधारित आहे. या प्रसिद्ध शोमध्ये हॉलिवूड अभिनेता इद्रिस अल्बा जॉन ल्यूथरची भूमिका साकारताना दिसला होता. रुद्रमध्ये अजय देवगण आणि राशी खन्ना यांच्याशिवाय ईशा देओल, अतुल कुलकर्णी, अश्विनी काळसेकर, विक्रम सिंह चौहान, आशिष विद्यार्थी आणि इतर कलाकार दिसणार आहेत. ही मालिका गूढतेने भरलेली एक जबरदस्त क्राईम ड्रामा असणार आहे हे ट्रेलरवरून स्पष्ट होत आहे.
अजय देवगणने या रुद्रबद्दल सांगितले की, "रुद्र: द एज ऑफ डार्कनेसमधील माझी व्यक्तिरेखा खूपच ग्रे आहे जी तुम्ही यापूर्वी कधीही पाहिली नसेल. हे पात्र माझ्यासाठी आव्हानात्मक आणि प्रेरणादायी दोन्ही आहे. रुद्रची जादू जगभरातील माझ्या चाहत्यांसह शेअर करण्यास मी उत्सुक आहे. मला आशा आहे की माझ्या चाहत्यांना हा शो तितकाच आवडेल जितका आम्ही हा शो बनवण्‍यासाठी केला आहे.