सैफच्या 'शेफ'चा फर्स्ट लूक आऊट

ब�

��लिवूडचा नवाब अर्थात सैफ अली खानच्या आगामी चित्रपटाचा लूक आऊट झाला आहे. सैफच्या शेफ चित्रपटाचा फर्स्ट लूक रिलीज करण्यात आला आहे. याला बॉलिवूड समीक्षक तरुण आदर्शनी त्याच्या ट्विटर अकाऊटंववर शेअर केला आहे. या फोटोमध्ये सैफ धाब्यावर जेवण बनवताना दिसतो आहे. मात्र त्यांना शेफचा ड्रेस किंवा टोपी घातलेली नाही. टी-सीरिजच्या बॅनर खाली तयार होणाऱ्या या चित्रपटाचे दिग्दर्शन राज कृष्णा मेनन. 6ऑक्टोबरला शेफ चित्रपट प्रेक्षकांच्या भेटीला येणार आहे. सैफ अली खान हा या चित्रपटात मुख्य भूमिकेत दिसणार.  दानिश कार्तिक, दिनेश प्रभाकर, चंदन रॉय सान्याल, सचिन कांबळे आणि सिमरजीत सिंग नागरा यांच्या ही या चित्रपटात भूमिका आहेत. शेफ हा चित्रपट हॉलिवूड चित्रपटाचा रिमेक असल्याचे कळतेय. ही एक अशा व्यक्तीची गोष्ट आहे जो इंटरनॅशनल रेस्टोरेंटमधील नोकरी सोडून केरळमधल्या कोच्ची शहरात राहतो आणि याच दरम्यान त्याच्या आयुष्यात एक प्रसंग घडतो. 


हा चित्रपट आधी 14 जुलैला रिलीज करण्यात येणार होते मात्र त्याच दिवशी जग्गा जासूस रिलीज होतो आहे. त्यामुळे बॉक्स ऑफिसवरील क्लॉशेस टाळण्यासाठी सैफच्या चित्रपटाची तारिख पुढे ढकलण्यात आली. 

सैफ अली खानचा मागचा चित्रपट रंगून भले ही बॉक्स ऑफ्सिवर फारसा काही कमाल करु शकला नसला तरीही सध्या सैफकडे एकपेक्षा एक चित्रपट आहेत. 2017 ते 2018 दरम्यान सैफचे एकूण 5 चित्रपट रिलीज होणार आहेत. असे पहिल्यांदाच होत आहे की सैफचे ऐवढे चित्रपट एकामागून एक रिलीज होणार आहेत.  त्यामुळे सैफच्या फॅन्ससाठी 2017 ते 2018 हे वर्ष ट्रीट असणार आहे.