सलमान आणि जिनिलियाचा झिंगाट डान्स, सोशल मीडियावर VIDEO तुफान व्हायरल

जिनिलियाने तिच्या इन्स्टाग्राम अकाऊंट सलमानसोबतचा डान्सचा व्हिडिओ शेअर केला आहे.

मुंबई: 27 डिसेंबरला बॉलिवूडचा भाईजान सलमान खानचा वाढदिवस झाला. सलमान खानच्या पनवेलमधील फार्म हाउसवर मोजक्या लोकांच्या उपस्थितीत सलमानने वाढदिवस साजरा केला. इतर अनेक बॉलिवूड कलाकारांनीही सोशल मीडियाद्वारे सलमानला वाढदिवसाच्या शुभेच्छा दिल्या. अभिनेत्री जिनिलिया डिसूजानेही सलमानला आगळ्या-वेगळ्या शुभेच्छा दिल्या. तिने सलमानसोबत डान्स करतानाचा एक व्हिडीओ शेअर केला आहे. सध्या सोशल मीडियावर त्यांच्या या व्हिडिओची जोरदार चर्चा सुरू आहे.

जिनिलियाने तिच्या इन्स्टाग्राम अकाऊंट सलमानसोबतचा डान्सचा व्हिडिओ शेअर केला आहे. व्हिडीओमध्ये सलमान आणि जिनिलिया झिंगाट होऊन डान्स करताना दिसत आहेत. हा व्हिडीओ शेअर करत तिने सलमानला वाढदिवसाच्या शुभेच्छाही दिल्या. जिनिलियाने शेअर केलेल्या व्हिडीओमध्ये दोघांनी एकाच रंगाचे टी-शर्ट घातलेले दिसत आहेत.

वाढदिवशी सलमानला सर्पदंश
पनवेलच्या फार्म हाउसवर पार्टी दरम्यान सलमानला सर्पदंश झाला होता. तातडीने त्याला रुग्णालयात दाखल करण्यात आले होते. पण, साप बिनविषारी असल्यामुळे मोठा अनर्थ टळला. सलमानने मीडियाला सांगितल्यानुसार, सलमान सापाला फार्म हाउसच्या बाहेर टाकत होता, तेव्हा सापाने सलमानच्या हाताचा तीनवेळा चावा घेतला.