सलमान खान बरसला ‘ट्यूबलाइट बोला तो फोड दूंगा’

ब�

��लिवूडचा दबंग स्टार म्हणून ओळखल्या जाणाºया सलमान खानचा रागीट स्वभाव आता काही नव्याने सांगण्याची गरज नाही. सध्या सलमान त्याच्या आगामी ‘ट्यूबलाइट’ या चित्रपटामुळे चर्चेत असून, चित्रपटातील त्याचा साधाभोळा ‘ट्यूबलाइट’ अंदाज त्याची नवी ओळख होण्याची शक्यता आहे. मात्र ही ओळख सलमानला अजिबात पटणारी नसून, त्याला जर कोणी ‘ट्यूबलाइट’ असे म्हटले तर तो त्याची चांगलीच खरडपट्टी काढणार असल्याचे त्याने स्पष्ट केले आहे. 
 
वास्तविक सेलिब्रिटी जेव्हा एखाद्या चित्रपटात भूमिका साकारतात तेव्हा ती भूमिका त्यांची ओळख होते. सलमानला त्याच्या ‘दबंग’ या चित्रपटाच्या सिरीजमुळेच ‘दबंग स्टार’ अशी ओळख मिळाली. सलमानप्रमाणेच बरेचसे असे अभिनेते, अभिनेत्री आहेत ज्यांना त्यांच्या चित्रपटामुळे नवीन ओळख मिळाली आहे. आता सलमान ‘ट्यूबलाइट’ या चित्रपटात मुख्य भूमिका साकारत आहे. त्यामुळे त्याला ‘ट्यूबलाइट’ अशी ओळख मिळण्याची शक्यता आहे. मात्र ही ओळख त्याला अजिबात आवडणारी नसल्याने त्याला जर कोणी या नावाने बोलावले तर तो त्यांच्यावर बरसणार हे निश्चित आहे. 



एका वृत्त वाहिनीला मुलाखत देताना सलमानला, ‘चित्रपटाच्या रिलीजनंतर तुला जर कोणी ट्यूबलाइट या नावाने बोलावले तर तुझी काय प्रतिक्रिया असेल?’ असा प्रश्न विचारण्यात आला तेव्हा सलमानने, ‘मैं उसे फोड दूंगा’ असे उत्तर दिले. सलमानचे हे उत्तर खळबळजनक असून, चित्रपटाच्या रिलीजनंतर त्याला ही ओळख मिळण्याची शक्यता आहे. असे झाल्यास सलमान पुन्हा वादात पडू शकतो, असे म्हटल्यास वावगे ठरू नये. 

ईदला रिलीज होणाºया ‘ट्यूबलाइट’ या चित्रपटात सलमानने लक्ष्मण नावाच्या व्यक्तीची भूमिका साकारली आहे. लक्ष्मणला प्रत्येक गोष्ट समजून घेण्यास उशीर लागत असल्याने त्याला ‘ट्यूबलाइट’ असे संबोधले जाते. हा चित्रपट भारत-चीन युद्धावर आधारित असून, चित्रपटात सोहेल खानचीदेखील महत्त्वपूर्ण भूमिका आहे. वास्तविक सलमानने आतापर्यंत ज्या-ज्या चित्रपटांमध्ये भूमिका साकारल्या आहेत त्या भूमिकेनेच त्याला आजही ओळखले जात आहे. ‘प्रेम, राधे, चिलबुल पांडे’ ही त्याचीच उदाहरणे आहेत.