Video: पडता पडता वाचला सलमान खानचा बर्थ डे केक, भाईजानने आयतसोबत साजरा केला वाढदिवस

Salman Khan Birthday Party : काल रात्री 12 च्या ठोक्याला बॉलिवूडचा भाईजान म्हणजेच अभिनेता सलमान खान याचा वाढदिवस दणक्यात साजरा झाला. या बर्थ डे सेलिब्रिशनचे अनेक फोटो व व्हिडीओ सध्या व्हायरल होत आहेत. 

Salman Khan Birthday Party : काल रात्री 12 च्या ठोक्याला बॉलिवूडचा भाईजान म्हणजेच अभिनेता सलमान खान (Salman Khan ) याचा वाढदिवस दणक्यात साजरा झाला. भाईजानच्या 56 व्या वाढदिवशी त्याच्या पनवेल येथील फार्महाऊसवर एक पार्टी आयोजित केली गेली. या पार्टीत खान कुटुंबातील सर्व सदस्य शिवाय इंडस्ट्रीतले काही सेलिब्रिटी हजर होते. या बर्थ डे सेलिब्रिशनचे अनेक फोटो व व्हिडीओ सध्या व्हायरल होत आहेत. 

यात एक व्हिडीओ भाईजानच्या बर्थ डे केक कटिंगचाही आहे. व्हिडीओत सलमानचा बर्थ डे केक अनेकदा हलताना डुलताना दिसला. जणू तो पडता पडता वाचला.

View this post on Instagram

A post shared by Salman Khan (@salmankhanfanclub)

बर्थ डे पार्टीच्या सेलिब्रेशनचे व्हिडीओत सलमान त्याची लाडकी भाची आयतसोबत (अर्पिता व आयुष शर्माची मुलगी) केक कट करताना दिसतोय. आयतचा बर्थ डे सुद्धा 27 डिसेंबरलाच असतो. दोन वर्षांपूर्वी सलमानच्याच वाढदिवसाच्या दिवशी अर्पिताने आयतला जन्म दिला होता. आयतचा जन्म हे माझ्यासाठी आत्तापर्यंतचं सर्वात मोठ बर्थ डे गिफ्ट आहे, असं सलमान त्यावेळी म्हणाला होता. त्यानंतर सलमान व आयतचा बर्थ डे एकत्र साजरा केला जातो.

काल रात्रीही सलमानने आयतला कडेवर घेऊन केक कापला. यावेळी मल्टी लेअर केक अनेकदा हलताना दिसला. जणू तो पडतो की काय, असं अनेकदा वाटलं. सलमानच्या बाजुलाच आयुष शर्मा केक सांभाळण्यासाठी उभा होता.

पनवेल येथील सलमानच्या फार्महाऊसवर बर्थडे पार्टीचे आयोजन केले गेले होते. यामध्ये अनेक मोठे कलाकार सहभागी होते. चित्रपट लेखक मुश्ताक शेख यांनी भाईजानच्या पार्टीचे काही व्हिडीओ शेअर केले आहेत.

या पार्टीमध्ये बी टाऊनमध्ये क्यूट कपल म्हणून ओळखली जाणारी जोडी रितेश देशमुख आणि जेनेलिया डिसूजा हेदेखील सहभागी झाले होते. रितेशने फनी इंस्टा फिल्टरसोबत पार्टीच्या लोकेशनचा व्हिडीओ शेअर केला आहे. त्यामध्ये तो सलमानच्या पहिल्या चित्रपटासंदर्भात बोलताना दिसत आहे.