'सिंघम अगेन'च्या शेवटी मिळालं खास सरप्राइज! सलमान खानच्या एन्ट्रीने झाली नव्या सिनेमाची घोषणा

सिंघम अगेनच्या शेवटी रोहित शेट्टीने नवीन सिनेमाची घोषणा केलीय (singham again)

'सिंघम अगेन' सिनेमा आज दिवाळीच्या मुहुर्तावर रिलीज झालाय. 'सिंघम अगेन' हा गेल्या अनेक वर्षांपासून बहुचर्चित आणि बहुप्रतिक्षित सिनेमा म्हणून ओळखला जातोय. अजय देवगण, अर्जुन कपूर, टायगर श्रॉफ, करीना कपूर, रणवीर सिंग, अक्षय कुमार अशी तगडी स्टारकास्ट या सिनेमाची 'सिंघम अगेन'मध्ये चुलबुल पांडे दिसणार अशी चर्चा गेल्या अनेक दिवसांपासून सुरु होती. अखेर आज थिएटरमध्ये प्रेक्षकांना खास सरप्राइज मिळालंय. 

सलमान खानची एन्ट्री अन् नव्या सिनेमाची घोषणा

सलमान खान 'सिंघम अगेन' मध्ये आहे यावर आता शिक्कामोर्तब झालंय. कारण ज्यांनी थिएटरमध्ये सिनेमा पाहिलाय त्यांनी सिनेमाच्या काही क्लिप शेअर केल्यात. यामध्ये सिनेमाच्या शेवटी अजय देवगण आणि सलमान खान एकत्र दिसतात. सिंघम-चुलबुल पांडे यांचा एकत्र सीन पाहायला मिळतो. सलमान त्याच्या खास स्टाइलमध्ये 'अब आएगा मजा' बोलताना दिसतो. आणि शेवटी 'मिशन चुलबुल सिंघम लोडींग सून' असं टायटल समोर येताना दिसतं. 

LATEST: Megastar SALMAN KHAN in #SinghamAgain!🔥

Just look at the audience reaction Desh ka sabse bada superstar! #SalmanKhan#SinghamAgainReviewpic.twitter.com/r3nNUyA0b8

— Its BALLU™💫 (@SalmansLegend) November 1, 2024

'सिंघम अगेन' नंतर येणार 'मिशन चुलबुल सिंघम'

अशाप्रकारे ज्यांनी आज 'सिंघम अगेन'चा मॉर्निंग शो पाहिलाय त्यांना सलमान खानची एन्ट्री झाल्याने सुखद धक्का बसलाय. सलमानची एन्ट्री होताच संपूर्ण थिएटरमध्ये टाळ्या आणि शिट्ट्यांचा कडकडाट करण्यात आला. अशाप्रकारे रोहित शेट्टीने 'सिंघम अगेन'नंतर 'मिशन चुलबुल सिंघम' या आगामी सिनेमाची घोषणा केलीय. त्यामुळे पुढील काही वर्षांमध्ये अजय देवगणचा बाजीराव 'सिंघम' आणि सलमानचा 'दबंग' चुलबुल पांडे आगामी सिनेमात एकत्र दिसणार आहेत.