Tiger 3 : कतरिना कैफ आणि सलमान खानच्या 'टायगर ३'च्या पोस्टरवर एक्स गर्लफ्रेंडची कमेंट, म्हणाली...

‘टायगर ३’चं दमदार पोस्टर नुकतंच प्रदर्शित करण्यात आलं आहे. यंदाच्या दिवाळीत हा चित्रपट प्रेक्षकांच्या भेटीला येणार आहे.

सध्या बॉलिवूडमध्ये सीक्वलचा ट्रेंड सुरू आहे. एकामागोमाग एक सिनेमांचे सीक्वल प्रदर्शित होत आहेत. ‘ओएमजी २’, ‘ड्रीम गर्ल २’ आणि ‘गदर २’ नंतर आता सलमान खानच्या टायगर सिनेमाचा सीक्वल प्रेक्षकांच्या भेटीला येत आहे. ‘एक था टायगर’ आणि ‘टायगर जिंदा है’ च्या यशानंतर आता भाईजान ‘टायगर ३’ साठी सज्ज आहेत. ‘टायगर जिंदा है’ नंतर ‘टायगर ३’साठी प्रेक्षक उत्सुक होते. आता अखेर प्रेक्षकांची प्रतीक्षा संपली असून लवकरच हा सिनेमा प्रेक्षकांच्या भेटीला येत आहे. सलमान खान आणि कतरिना कैफ मुख्य भूमिकेत असलेल्या टायगर ३चं पोस्टर नुकतंच प्रदर्शित करण्यात आलं आहे.

‘टायगर ३’चं दमदार पोस्टर पाहून या चित्रपटाबद्दल चाहत्यांची उत्सुकता आता शिगेला पोहोचली आहे. दरवर्षीप्रमाणे यावर्षीही भाईजान दिवाळीत धमाका करण्यासाठी सज्ज असल्याचं दिसत आहे. दिवाळीत हा चित्रपट प्रदर्शित होणार असून भाईजान ‘टायगर ३’ ची खास भेट दिवाळीत त्याच्या चाहत्यांना देणार आहे. सलमान खानने त्याच्या सोशल मीडियावरुन ‘टायगर ३’चं पोस्टर शेअर केलं आहे. या पोस्टरवर चाहत्यांनी कमेंटही केल्या आहेत. चाहत्यांप्रमाणेच सलमानची एक्स गर्लफ्रेंड संगीता बिजलानीही ‘टायगर ३’चं पोस्टर पाहून थक्क झाली आहे.

"मासिक पाळीबद्दल वडिलांना आधी सांगितलं", प्रसिद्ध मराठी अभिनेत्रीचं वक्तव्य, म्हणाली, "त्यांनी मला..."

संगीता बिजलानीने ‘टायगर ३’च्या या पोस्टरवर कमेंट केली आहे. ‘टायगर’ असं म्हणत संगीताने भाईजानच्या पोस्टवर कमेंट करत इमोजीही पोस्ट केले आहेत. संगीता बिजलानीने भाईजानच्या पोस्टवर केलेल्या या कमेंटने चाहत्यांचंही लक्ष वेधून घेतलं आहे.

‘टायगर ३’ या चित्रपटात सलमान खान आणि कतरिना कैफ मुख्य भूमिकेत आहेत. मनिष शर्मा यांनी या चित्रपटाचं दिग्दर्शन केलं आहे. तब्बल पाच वर्षांनंतर ‘टायगर’चा सीक्वल प्रेक्षकांच्या भेटीला येत आहे. २०१२ साली प्रदर्शित झालेल्या ‘एक था टायगर’ने प्रेक्षकांची मनं जिंकली. त्यानंतर २०१७ साली याचा सीक्वल ‘टायगर जिंदा है’ प्रदर्शित करण्यात आला होता.